Согтууруулах ундаагаар үйлчлэх тусгай зөвшөөрөлтэй үйлчилгээний газрууд үүрийн 04 цаг хүртэл ажиллах боломжтой боллоо

Бичсэн:tonshuul
2015/07/10/, 09:43

Нийслэлийн удирдлагын Зөвлөлийн хурлаар хэлэлцсэний дагуу Согтууруулах ундаагаар үйлчлэх тусгай зөвшөөрөлтэй үйлчилгээний газруудын үйл ажиллагаа явуулах цагийн хязгаарыг түр тогтоох тухай Нийслэлийн Засаг даргын A/609 тоот Захирамж гарлаа.

Захирамжаар "Архидан согтуурахтай тэмцэх тухай хуул”-ийн 4 дүгээр зүйлийн 4.3-т заасны дагуу НИТХ - ийн хурлаас согтууруулах ундаа худалдах, түүгээр үйлчилгээ эрхлэх зөвшөөрөл олгох журмыг шинэчлэн батлах хүртэлх хугацаанд нийслэлийн нутаг дэвсгэрт согтууруулах ундаагаар үйлчлэх тусгай зөвшөөрөлтэй үйлчилгээний газруудын ажиллах цагийн хязгаарыг 2015 оны 07 дугаар сарын 09-нөөс эхлэн шөнийн 04 цаг хүртэл байхаар тогтоолоо.

Батлагдсан цагийн хязгаарыг мөрдүүлж, Захирамжийг хэрэгжүүлж ажиллахыг Нийслэлийн Мэргэжлийн хяналтын газар, Улаанбаатар хотын Цагдаагийн газарт үүрэг болгов. Нэгдсэн удирдлагаар хангаж, зохион байгуулалтад анхаарч, хяналт тавихыг Улаанбаатар хотын Захирагчийн ажлын албанд даалгалаа гэж Улаанбаатар хотын Захирагчийн ажлын албанаас мэдээллээ.

Төстэй мэдээллүүд

Баар ресторанууд шөнийн 04:00 цаг хүртэл үйлчилнэ

2015/07/09, 17:55

Шинэ хууль архины хэрэглээг “хазаарлах уу”

2015/05/14, 11:20

Маргааш нийтээрээ мод тарина

2015/05/08, 15:39

Хувийн хэвшлийн байгууллага, аж ахуйн нэгжүүдтэй хамтран хотын төвийн гол гудамжуудыг

2015/03/10, 10:26

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.