Үүлэнд нөлөөлөхөөс өөр аргагүй байдалд хүрчээ

Бичсэн:munkhbat
2018/04/18/, 15:33

Хөвсгөл аймгийн зарим сумын нутаг энэ хавар хуурайшилт ихтэй гал түймрийн аюулд өртөхөд ойрхон байгаа юм. Тэдгээрийн нэг Эрдэнэбулган сумын Зэрлэг багийн Горхины-Эх, Ухнатын даваанд энэ сарын 14-нд гарсан түймрийг өнөөдрийг хүртэл унтрааж дийлээгүй байна. Сумын төвөөс зүүн хойд зүгт 60 км-т гарсан дээрх ойн түймрийг унтраахаар тус аймгийн Онцгой байдлын газрын Гал түймэр унтраах, аврах 46 дугаар ангийн 12 алба хаагч, 1 автомашин, орон нутгийн 110 гаруй иргэн, гурванавтомашин, найман мотоцикль,12 техник хэрэгсэл, 19 морьтойгоор унтраахаар дөрөв дэх өдрөө ажиллаж байна. Өнөөдрийн байдлаар нийт 4000 орчим га талбай шатаад байгаа учраас Эрдэнэбулган сумын Онцгой комисс хуралдаж аймгийн Засаг даргад үүлэнд зориудаар нөлөөлж, өгч хур тунадас оруулж өгөх хүсэлтийг хүргүүлжээ. Эрдэнэбулган сумын нэг, хоёрдугаар ээлжийн иргэд бүрэн дайчлагдан түймрийн голомтонд ажиллаж байгаа боловч түймэр уулын нуруунд гарч 14-15 км газарт асч байгаа учраас унтраах боломжгүй болсон байна.

Энэ талаар Эрдэнэбулган сумын Засаг дарга П.Ариунбат:-Бид бүх боломжоороо иргэдээ дайчлан ажиллаж байна. Мөн нутгийн иргэдч өөрсдийн хүсэлтээр "Сайн үйлсийн аян" өрнүүлж,түймрийн голомтод ажиллаж байгаа иргэдэд хоол хүнс, бээлий, хүрз гээд байгаа зүйлсээрээ туслаж байна... гэлээ.

Төстэй мэдээллүүд

ХӨВСГӨЛ АЙМАГТ ГАРСАН ТҮЙМЭР АССААР БАЙНА

2018/04/17, 16:48

СЭЛЭНГЭ АЙМАГТ ГУРВАН ТҮЙМЭР АСЧ БАЙНА

2017/07/26, 09:06

Өнөөдрийн байдлаар таван түймрийг бүрэн унтрааж, дөврийг цурманд оруулаад байна

2017/07/24, 15:14

Салхины хурд их байгаа нь ой, хээрийн түймэр гарах эрсдлийг бүрдүүлж байна

2016/04/21, 15:27

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.