Монгол кино Оскарт нэр дэвших эрхтэй болжээ

Бичсэн:zulaa
2016/11/21/, 14:20

Холливудад ажиллаж буй продюссер, зураглаач Д.Ангараг "Оскар”-т кино дэвшүүлэх эрх авчээ. Ингэснээр Монголын кино урлаг дэлхийд өрсөлдөх боломжтой болов. Тэрээр АНУ-ын Кино академийн дээд шагнал "Оскар”-ын Гадаад хэл дээрх кино төрөлд Монгол Улсаас нэг кино нэр дэвшүүлэх бүрэн эрхт Академийн гишүүн болсон байна.

Энэ эрх нь 2017 оны гуравдугаар сарын 15-ны өдрөөс идэвхтэй болох ажээ. Одоогоор Д.Ангараг 89 дэх удаагийн Оскарт "Хувьсал” продакшнтай хамтран бүтээсэн "Атганд үлдсэн эрдэнэ” киног нэр дэвшүүлсэн бөгөөд хэрэв гадаад хэл дээрхи киноны шилдэг гуравт үлдвэл шилдэгт өрсөлдөх боломжтой болох юм.
АНУ-ын Холливудад ажиллаж, амьдардаг тэрээр "Атганд үлдсэн эрдэнэ”, "Ану хатан”, "Миний хөрш чөтгөр”, "Бодлын хулгайч”, "Дэв” кинонд гүйцэтгэх продюссер болон зургийн найруулагчийн үүрэг гүйцэтгэжээ. Тэрээр 2017 онд нээлтээ хийх "Чингисийн хүүхдүүд” кинонд гүйцэтгэх продюссер, зургийн найруулагчаар ажиллаж байгаа аж. Мөн одоогоор жүжигчин Д.Амарсайхантай хамтран шинэ уран бүтээл хийж, 2017 онд бэлэн болгож, 2018 оны гуравдугаар улиралд олон нийтийн хүртээл болгохоор ажиллаж байгаа юм байна.
Эх сурвалж: www.assa.mn

Төстэй мэдээллүүд

ЛЕОНАРДО ДИ КАПРИО ШИЛДЭГ ГОЛ ДҮРИЙН ЖҮЖИГЧНЭЭР ШАЛГАРЧЭЭ

2016/02/15, 11:07

“Чонон сүлд”-ээс яагаад татгалзав

2015/10/13, 10:23

Жүжигчин Эби аав болно

2015/03/09, 10:11

Чонон сүлд кино Оскарт нэр дэвшинэ

2015/02/13, 11:19

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.