"Эрдэнэт" үйлдвэр импортыг орлох шинэ бүтээгдэхүүн үйлдвэрлэж байна

Бичсэн:munkhbat
2015/12/07/, 16:17

Дэлхийн зах зээлийн үнээс хамааран үйлдвэрийн ашиг орлого нь байнга хэлбэлзэж байдаг "Эрдэнэт" үйлдвэр импортыг орлох бүтээгдэхүүн үйлдвэрлэж эхэллээ. Ингэснээр жилд 2.9 тэрбум төгрөгийг хэмнэх юм байна.

"Эрдэнэт" үйлдвэрийн засвар механикийн завод жижигхэн эрэг боолтноос эхлээд уул уурхайн үйлдвэрлэлд шаардлагатай голдуу импортоор оруулж ирдэг бүтээгдэхүүнийг үйлдвэрлэж эхлээд багагүй хугацаа өнгөрч байна. Үйлдвэрийн хэмжээнд импорт орлох бүтээгдэхүүн үйлдвэрлэх хөтөлбөр батлуулж, энэ хөтөлбөрийн хүрээнд нийтдээ 2.9 тэрбум төгрөг хэмнэх тооцоо гаргажээ.

Өнгөрсөн зургаадугаар сард ашиглалтад орсон баяжуулах фабрикийн өөрөө нунтаглах хэсгийн хоёр тээрэм бий. Энэ тээрмийн хуягийг засвар механикийн заводод үйлдвэрлэж эхэлсэн байна.Эхний тээрмэнд 14 нэр төрлийн 375 тонн хуяг хэрэгтэй бол дараагийн тээрмэнд 234 тонн хуяг шаардлагатай юм байна.

Эдгээр хуягийг Эрдэнэт дотооддоо үйлдвэрлэнэ. Тус завод Оюутолгой компаниас 6 төрлийн бүтээгдэхүүний захиалга авсан бол өнөөдрийн байдлаар уул уурхайн 90 компани бүтээгдэхүүн авах захиалгаа өгчээ.

О.Гэрэлмаа

Төстэй мэдээллүүд

“Исламын улс” бүлэглэл ОХУ-д дайн зарлав

2015/10/15, 16:31

Өнөөдөр шөнө цагаа урагшлуулаарай

2015/03/27, 12:06

Б.Лхагвасүрэн, П.Анужин нарыг Хэвлэл мэдээллийн тэргүүний ажилтан цол, тэмдгээр шагналаа

2015/03/07, 14:03

Ц.Элбэгдорж улсынхаа аюулгүй байдалд маш халтай зүйл хийлээ гэж шилдэг сэтгүүлч мэдээлэв

2015/03/06, 09:31

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.