АЗ ЖАРГАЛЫН ХУЛС

Бичсэн:tonshuul
2015/08/29/, 15:32

"Би жаргалтай байна. Ер нь аз жаргалгүй байна гэж байж болохгүй” гэдэгт гүн ухаанч эрдэмтэд итгэлтэй байдаг. "Та азгүй байна уу? Аз жаргалыг дуудаж болно шүү дээ!” гэж Фэн-шуйд сургадаг. Элбэг хангалуун байдал, хайр дурлал, аз амжилт ... үеийн үед хүмүүс өөрөө өөртэйгөө болон хүрээлэн буй орчинтойгоо зохицож амьдрахыг хичээсээр ирсэн. Энэ тун нарийн, эмзэг холбоог хүмүүс нууцлаг, ид шидийн аргаар хэрэглэж ирсний нэг жишээ нь Фэн-шуй юм. Өөрийнхөө аж амьдралыг хэрхэн яаж ая эвэнд нь оруулах вэ? Эд баялаг, хөгжил цэцэглэлтийг яаж дуудах вэ? Өнөөдөр энэ гайхалтай сургаалийн нэгэн оньсого бидэнд нууцаа нээх болно. Фен-шуйгийн ямар сахиус ... хүнийг аз жаргалтай нэгэн болоход туслах бол?! Хэрвээ та Азийн орнуудад байсан бол тэнд айл гэр, албан тасалгаа гээд хаана ч хулс ямар хүндтэй байр сууринд тавигддаг болохыг харж болно. Хулсыг өөдлөн дээшлэхийн жинхэнэ бэлэг тэмдэг гэж үздэгтэй холбоотой олон түүх домог байдаг. Иймд энэ өвөрмөц, гайхалтай аз жаргал бэлэгдэгч хулсыг олж аваад ид шидийн мөн чанарыг нь үзэж туршиж яагаад болохгүй гэж?

Аз жаргалын хулсыг Драцен Сандериан гэдэг нэрээр нь манай дэлхийн өнцөг булан бүрд мэддэг бөгөөд ямар ч цэцгийн дэлгүүрээс худалдан авах боломжтой. Уг мөн чанараараа тийм ч их арчилгаа шаардах ургамал биш. Цорын ганц анхаарах зүйл бол нарны хурц гэрлийн дор тавьж болохгүй, Фэн-шуйд зааснаар усан дотор байлгах ёстой. Өнөө үед зарим нэг хүмүүс энэ ургамлыг шороон хөрсөнд ч суулган ургуулж байгаа туршлага бий. Аз жаргалын гэх хулс "ци” энергийн таатай урсгалыг идэвхжүүлэх гайхалтай хэрэгсэл. Энэхүү хулс нь өөрийнхөө хэлбэр, өнгөөрөө модны төрөлд хамаарах хэдий ч үндэс нь усанд байдаг нь Усан махбодын шинжтэйнх нь шинж. Фэн-шуйгийнхан хулсыг дараах зориулалтаар ашигладаг: Гурван ширхэг байх нь сэтгэл санааны тогтуун түвшин байдал, аз жаргал амар амгаланг бэлэгддэг. Таван ширхэг нь мөнгө санхүүгийн ашиг орлогыг олон дахин нэмэгдүүлдэг. Долоон ширхэг нь бат бөх эрүүл мэнд, эрүүл энхийн бэлэгдэл болдог. Хорин нэгэн ширхэг нь мөнгө санхүү, эрүүл энх, хайр дурлал гээд амьдрал ахуйн бүх салбарт аз амжилт дууддаг хэмээн бэлэгшээдэг.

Аз жаргалын хулсаа хаана байрлуулах нь зөв бэ? Хамгийн тохиромжтой нь зүүн урд, зүүн, урд зүгүүд гэж үздэг. Хэрвээ та хулсаа зүүн урд зүгт тавьсан бол тоон нөлөөллөөс гадна нэмээд эд баялаг дууддаг. Зүүн зүгт тавих нь гэр бүлийн харилцааг бэхжүүлж, хайр дурлал ивээн тэтгэдэг. Урд зүг бол алдар хүндийн бэлэгдэл болдог тул нийгэмд байр сууриа эзлэхэд тань нэмэр нөлөөтэй байна. Аз жаргалынхаа хулсыг улаан өнгийн туузаар холбож өгч болно. Ер нь хулс хэдэн ширхэгтэй ч байсан өөрийнхөө үүргийг гүйцэтгэсээр л байдаг! Дөрвөн ширхэг хулс байж хэрхэвч болохгүй. Учир нь 4 гэсэн тоо Фен-шуйд гай барцад муу ёрын шинж гэдэг.

Төстэй мэдээллүүд

МОДДЫН ЭНЕРГИЙГ ШИНГЭЭЖ АВААРАЙ

2015/08/29, 14:54

ТҮРИЙВЧ ХЭТЭВЧНИЙ ФЭНШҮЙ

2015/08/29, 14:17

"ЭКО 400" орон сууцны хорооллын шав тавилаа

2015/06/15, 17:17

Александр шепс: Толины хажууд яагаад зургаа авхуулж болохгүй вэ

2015/03/30, 15:08

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.