С.Оюун 2020 онд зодог тайлна

Бичсэн:namuunaa
2016/02/24/, 12:34

Талийгаач ахынхаа нэрээр УИХ-д сонгогдсон хэмээн цоллуулдаг УИХ-ын гишүүн, ИЗНН-ын дарга С.Оюун саяхан ээлжит удаагаа АН-ын өвөрт шургах үйл ажиллагаагаа амжилттай хэрэгжүүлэв. ИЗНН сүүлийн 15 жил УИХ-ын сонгуульд оролцохдоо хоёроос дээш суудал авч байсан түүх үгүй билээ. Гэхдээ тэд нийт сонгогчдын 5-7 хувийг өөртөө татаж ирсэн нь СЕХ-ны статистик дүнгээс тодорхой харагддаг. Энэ удаа ч мөн тус нам сонгуульд бие даан оролцлоо гэж үзэхэд мөн л С.Оюун, С.Дэмбэрэл хоёроос өөр хүн УИХ-ын гишүүнээр сонгогдох магадлал 0 хувьтай тэнцүү гээд хэлчихэд эргэлзэх хүн тийм ч олон байхгүй болов уу. Тэгээд ч ИЗНН-ынхны УИХ дахь оролцоо бараг үгүй тул тус намын дарга С.Оюуны нэр хүнд сүүлийн үед чамгүй хувиар унаад байгаа билээ. Тиймээс түүнд 2016 онд сонгуульд сүүлчийн удаа нэр дэвшээд болохгүй тохиолдолд сайн гэрийн эзэгтэйн үүргээ гүйцэтгэх санаа төрж гэж ойр дотныхон нь ярьж байсан удаатай.

Нөгөөтэйгүүр, намын удирдлагын түвшинд ярилцсаны эцэст тэд АН-д дагаар орж, энэ удаагийн УИХ-ын сонгуульд нэр дэвших нь хавьгүй найдвартай, ашигтай хувилбар хэмээн тооцжээ. Тэдний хувьд хоёр байсан суудлаа ядаж гурав, дөрөв болгох туйлын зорилготой байгаа бөгөөд дангаараа сонгуульд оролцвол ялагдах магадлалтай гэдгээ тооцсон эрх баригчдын зүгээс унасан нэр хүндээ ИЗНН, цаашлаад МҮАН-аар өөд нь татаж байж гэмээнэ ирэх сонгуульд орвол олонхийг бүрдүүлэх боломж бүрдэнэ гэж тооцоолжээ.

Мөн С.Оюун дарга энэ жил УИХ-ын гишүүнээр дахин сонгогдчихвол ирэх жилийн Ерөнхийлөгчийн сонгуульд нэр дэвших боломж байгааг ч мөн олж харсан байна. Нэгэнтээ МАХН-аас Н.Удвал мэтийн эмэгтэйг Ерөнхийлөгчийн сонгуульд нэр дэвшүүлж байсан бол ирэх жилийн Ерөнхийлөгчийн сонгуульд С.Оюун өөрийгөө сорьж үзсэн нь дээр гэж боджээ. Нэгэнтээ ХҮН намаас ирэх жилийн Ерөнхийлөгчийн сонгуульд С.Ганбаатар мэтийн дипломгүй нөхөд дэвших нь тодорхой байгаа тул С.Оюун нарт тийм ч том өрсөлдөгч гарч ирэхгүй нь харагдаж байгаа юм. Тиймээс энэ бүхнийг сайтар эргэцүүлсний үндсэн дээр энэ удаагийн сонгуульд тэр ямар ч хамаагүй үнээр ялалт байгуулж УИХ-д сонгогдох нь нэн чухал байгаа юм.

Харин Ерөнхийлөгчийн сонгуульд өвдөг шороодсон тохиолдолд тэрбээр 2020 он гэхэд улс төрөөс бүрэн зодог тайлна гэж намынхандаа амласан аж.

Эх сурвалж www.wikimon.mn

Төстэй мэдээллүүд

Түлхүүр эргүүлсэн хүн ТӨР ЭРГҮҮЛНЭ

2016/02/19, 11:48

С.Гантуяа намын дарга болсон ахтайгаа барьцав уу

2016/01/20, 13:29

С.Баяр Ерөнхийлөгчийн сонгуульд нэр дэвшинэ

2015/07/20, 15:09

Ирэх сонгуульд Максын Ганбаатар нэр дэвшинэ

2015/07/07, 23:47

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.