Монголчууд Байгал нуурт сөргөөр нөлөөлөх алхам хийхгүй

Бичсэн:munkhbat
2016/05/25/, 12:46

МОСКВА. /TASS/. "Шүрэнгийн УЦС барих төслийн байгаль орчинд нөлөөлөх байдлын үнэлгээний талаар Монгол Улс нээлттэй зөвлөлдөөн хийхээр болсон тухай ОХУ-ын Байгалийн нөөц, экологийн яамны хэвлэлийн алба мэдээллээ.

Ийм шийдвэрийг Монголын нутаг дэвсгэрт барих УЦС-уудын барилгын төслийн асуудлаар хийсэн хэлэлцүүлгийн дүнд гаргажээ. Уг хэлэлцүүлэг Улаанбаатар хотод тавдугаар сарын 23-24-нд болсон юм.

Талууд "Шүрэн”-гийн УЦС-ын барилга” болон "Орхон гол дээр усны урсгалыг зохицуулан усан сан байгуулах” төслийг боловсруулах, байгаль орчинд нөлөөлөх байдлын үнэлгээ болон нийгмийн үр дагаврын талаарх нээлттэй зөвлөгөөнийг Дэлхийн банкны оролцоотойгоор ОХУ-ын Буриад улс болон Эрхүү мужид хийхээр тохиролцжээ.

Монголын тал мөн Эгийн голын УЦС-ын Сэлэнгэ мөрөн болон Байгал нуурт үзүүлэх гидрологийн нөлөөллийн тайланг, мөн уг станцын техникийн үндэслэлийг танилцуулах юм.

"Хэлэлцээний дүнд монголчууд Байгал нуурийн экологийн тогтолцоонд сөргөөр нөлөөлж болох аливаа алхам хийхгүй гэдэг тохиролцоонд хүрлээ” гэж ОХУ-ын Байгаль орчны яамны мэдээлэлд дурджээ.

Монгол Улс Сэлэнгэ мөрөн болон түүний цутгалууд дээр гурван том УЦС барихаар төлөвлөсөн нь Байгал нуурын экологийн байдалд нөхөж баршгүй сөрөг үр дагавартай байж болзошгүй тухай мягмар гарагт зарим хэвлэлүүдэд бичсэн билээ.

Д.Жаргал

Эх сурвалж: "Монцамэ" агентлаг

Төстэй мэдээллүүд

Зам барьдаг компаниар Ховд гол дээр усан цахилгаан станц бариулна гэв үү

2016/04/20, 10:57

Сергей Ефимович Донской: “Эрдэнэт”-ийн бүтээгдэхүүний нийлүүлэлтийг сэргээх хүсэлтэй

2015/11/19, 09:51

Монгол Улсын холбоотой гурван асуудал хэлэлцжээ

2015/07/08, 11:27

1.2 их наяд төгрөгийг нэхэмжиллээ

2015/07/01, 15:29

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.