“ЭРДЭНЭС ТАВАНТОЛГОЙ” ХК-ИЙН УДИРДЛАГУУД ӨЛСГӨЛӨН ЗАРЛАЖ БУЙ АЖИЛТАНАА ҮЛ ТООВ

Бичсэн:munkhbat
2017/08/25/, 10:26

"Эрдэнэс тавантолгой” ХК-ийн "Эв санааны нэгдэл” үйлдвэрчний эвлэлийн дарга С.Эрдэнэ өлсгөлөн зарлаж эхэлсэн талаар бид мэдээлж байсан. Тэрбээр энэ сарын 20-оос эхлэн компанийн ажилчдын кемпдээ өлсгөлөн зарласан байна.

"Эв санааны нэгдэл” үйлдвэрчний эвлэлийн гишүүнийг нь ажлаас хууль бусаар халсан учраас тэрбээр гишүүдийнхээ эрх ашгийг хамгаалах үүргийнхээ үүднээс өлсгөлөн зарлажээ.

Тэрбээр "Эрдэнэс Тавантолгой" ХК-ийн гүйцэтгэх захирал Д.Ариунболдыг ирж уулзаж, асуудлыг газар дээр нь шийдвэрлэх шаардлагыг хүргүүлсэн аж. Харин компанийн зүгээс өлсгөлөн зарласнаас хойш 96 цаг буюу дөрвөн өдөр болчихоод байхад шаардлагын хариуг ирүүлээгүй байна.

Энэ талаар Эв санааны нэгдэл "Эрдэнэс таван толгой" гэх фейсбүүк хуудсанд "Гүйцэтгэх захирал Д.Ариунболд болон Тэргүүн дэд захирал Б.Ганхуяг нар нөхцөл байдалтай ирж танилцахаасаа илүүтэйгээр улс эх оронд өрнөсөн Засгийн газрыг огцруулах асуудал сонин байх шиг байна.Сандал суудал албан тушаалаа хэрхэн авч үлдэх талаар бодохынхоо эхэнд хүний эрүүл мэнд, амь нас нэн чухал тэргүүн эгнээнд байх ёстойг ойлгож ухамсарлаарай. Одоогоор та 2 "Эрдэнэс Таван Толгой" ХК-н Гүйцэтгэх захирал, тэргүүн дэд захирал хэвээрээ байгаа болохоор асуудлыг хурдан шийдэхийг хүсэж байна" гэжээ.

Б.Сансар

olloo.mn

Төстэй мэдээллүүд

”Эрдэнэс таван толгой” ХК-ийн ажилтнууд өлсгөлөн зарласан Л.Ариунсанг дэмжиж шаардлага

2017/08/21, 11:00

“Эрдэнэс Тавантолгой” ХК-ийн ажилчид МҮЭХ-нд хандлаа

2015/11/20, 15:47

Я.Батсуурийг өлсгөлөн зарлахыг хоригложээ

2015/04/15, 08:42

"Эрдэнэс Монгол" ТӨК-ийн гүйцэтгэт захирал тамгаа гардан авлаа

2015/02/05, 17:59

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.