ОХУ-аас малын шүлхий өвчний вакцин энэ сарын 28-нд нийлүүлэгдэнэ

Бичсэн:saikhnaa
2017/09/18/, 11:47

ХХААХҮЯ-наас малын гоц халдварт шүлхий өвчинтэй холбоотой мэдээлэл өглөө. 2017 онд долоон аймаг, нийслэлийн 29 сум дүүрэгт мал амьтны гоц халдварт шүлхий өвчин гарчээ.

Тухайлбал Төв, Дундговь Сүхбаатар, Хэнтий Дорноговь аймгийн 10 сум, нийслэлийн 2 дүүрэгт хорио цээрийн дэглэм үргэлжилж байна. Шүлхий өвчин туссан малаас дээж авч нийцлийн шинжилгээ хийлгэхээр ОХУ руу явуулсан бөгөөд дэд хэвшилд таарсан вакциныг энэ сарын 28-нд ОХУ-аас нийлүүлэх аж.

Энэ талаар ХХААХҮЯ-ны харьяа МЭҮГ-ын дарга П.Ганхуяг ”ОХУ-ын Мал эрүүлжүүлэх хөтөлбөрийн хүрээнд буцалтгүй тусламжаар 4.1 сая тун вакциныг нийлүүлэхээр болж эхний ээлжийн вакцин долдугаар сард ирсэн.

Харин дараагийн ээлжийн вакцин энэ сарын 28-нд ирнэ. Сүүлийн үед чанаргүй гэх мэдээлэл гарах болсон. Энэ асуудлыг шалгуулахаар АТГ, Эрүүгийн цагдаагийн газарт хандаж материал мэдээллээ хүргүүлээд байгаа.

Мөн тус вакцины дээжийг олон улсын лабораториор шинжлүүлэхээр болсон. Шинжилгээний эцсийн хариу ирээгүй байна. Шалгалтын үр дүн гарсны дараа буруутай этгээдэд хууль хяналтын дагуу хариуцлага тооцно” гэв.

Эх сурвалж: ХХААХҮЯ

Төстэй мэдээллүүд

Шүлхий, мялзангийн эсрэг вакцин худалдаж авна

2017/09/14, 10:40

УЛААНБААТАР ХОТОД МАЛЫН ГОЦ ХАЛДВАРТ ӨВЧИН ХАЯАГАА ТЭЛСЭЭР БАЙНА

2017/08/02, 17:13

Төв аймгийн Баян суманд шүлхий өвчин гарчээ

2016/08/29, 09:15

Нэг голомтод 151 толгой үхэр шүлхийгээр өвчилжээ

2016/08/16, 09:21

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.