У.Бямбасүрэн: “Эрдэнэт үйлдвэр” ХХК-ийн дарга ажлаасаа чөлөөлөгдөх өргөдөл өгөөгүй

Бичсэн:saikhnaa
2017/09/20/, 15:57

"Эрдэнэт үйлдвэр”-ийн Ерөнхий захирал Х.Бадамсүрэн ажлаас чөлөөлөгдөх өргөдлөө өгсөн талаар мэдээлэл гарч эхэлсэн.

Х.Бадамсүрэнг Эрдэнэт үйлдвэрийн захирлаар 2016 оны 11-р сарын 23-ы өдрийн 22-р тогтоолоор томилох шийдвэр гарсан байдаг.

Томилогдсоноосоо хойш 10 сарын хугацаанд шүүмжлэлийн гол бай болсон Х.Бадамсүрэн захирлыг Эрдэнэт үйлдвэрийн Баяжуулах фабрикийн ээлжийн дарга Ш.Мөнхбаяр, баяжуулагч Уранчимэг нар АТГ-т шалгуулахаар хандсан талаар мэдээлэл өчигдөр гарсан.

Тэд үйлдвэрийн ерөнхий захирал Х.Бадамсүрэнг эрх мэдлээ хэтрүүлэн, ТУЗ-өөс батлаагүй орон тоог бий болгож, өндөр цалин хангамж өгөхөөс гадна бүтцийн өөрчлөлт нэрээр халаа сэлгээ хийсээр байгааг эсэргүүцэж мэдээлэл хийсэн юм. Тодруулбал, Х.Бадамсүрэн захирал өөртөө долоон зөвлөхийн орон тоо дур мэдэн гаргаж, тэтгэврийн насны хүмүүс томилон, өндөр цалин өгч байгааг тэд жишээ болгон ярьж, АТГ-т хандаад байсан.

Тэгвэл энэхүү мэдээлэлтэй холбоотойгоор "Эрдэнэт үйлдвэр” ХХК-ийн ТУЗ-аас мэдээлэл хийлээ. Тэрбээр "Эрдэнэт үйлдвэр” ХХК-ийн ТУЗ-ийн дарга У.Бямбасүрэн хэлэхдээ: "Үйлдвэрийн үйл ажиллагаа, хэвийн явж байна. Сайн ажиллаж байгаа. Улсад төлдөг татвар мөнгөө төлөөд явж байгаа. "Эрдэнэт үйлдвэр” ХХК-ийн дарга ажлаасаа чөлөөлөгдөх өргөдөл өгөөгүй. Мөн АТГ-т шалгуулаагүй хэмээн хэллээ.

Түүнийг төрийн эрхийг хууль бусаар авах оролдлого бүхий 60 тэрбумын хэрэгт холбоотой хэмээн үзэж АТГ-аас байцаалт авсан тухай хэвлэлээр мэдээллэж байгаа ч байцаалт өгсөн зүйл байхгүй хэмээн өөрөө тайлбар хийсэн билээ.

Төстэй мэдээллүүд

Х.Бадамсүрэнг АТГ-т шалгуулах шаардлага тавьжээ

2017/09/19, 16:03

Х.Бадамсүрэн “Эрдэнэт” үйлдвэрийг захирал болж Ерөнхий сайдын мөрөөдлийг няц дэвслээ

2017/04/04, 19:16

"Үйлдвэр төлөх ёстой татвараа төлөөд явж байгаа, Ц.Нямдорж гишүүн татварын талаар буруу

2016/10/06, 11:14

“Эрдэнэт” үйлдвэр, Төрийн орон сууцны корпорацитай хамтран ажиллана

2015/07/07, 10:30

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.