БӨХИЙН ӨРГӨӨНИЙ ХААЛГЫГ ТИЙРЧ, ЭВДЭЛЖ СҮЙТГЭСЭН ЗАЛУУД ЭРҮҮГИЙН ХЭРЭГ ҮҮСГЭВ

Бичсэн:munkhbat
2018/06/26/, 09:07

Энэ сарын 22-нд Монгол бөхийн өргөө рүү УИХ-ын гишүүн, Дархан аварга А.Сүхбат нарын хүмүүс дахин дайрч, хаалга үүдийг нь эвдсэн хэрэг гарсан. Үүний өмнө МҮБХ-оос "Хамгаалалтын алба хөлслөн Бөхийн өргөөг чөлөөлнө” хэмээн тэд мэдээлж байв.

Тэгвэл бөхийн өргөөний хаалгыг өшиглөж, дээд хэсгийн цонхыг хагалан танхайрсан этгээд 33 настай Б гэгч бөгөөд түүнд цагдаагийн байгууллага эрүү үүсгэн шалгаж эхэлжээ. Тодруулбал, Эрүүгийн хуулийн 20.16 дугаар зүйлд зааснаар шалгалтын ажил үргэлжилж байгаа юм байна.

Тодруулбал, хуулийн 20.16 дугаар зүйл.Олон нийтийн амгалан тайван байдал алдагдуулах

1.Нийтийн хэв журмыг бүлэглэн зөрчиж бусдад хүч хэрэглэж, эсхүл эд хөрөнгө устгаж, гэмтээж, эсхүл эдгээр үйлдэлд өдөөн турхирч, татан оруулж хүний халдашгүй, чөлөөтэй байх, эд хөрөнгө өмчлөх эрхийг зөрчиж, аж ахуйн нэгж, байгууллагын хэвийн үйл ажиллагаа, олон нийтийн амгалан тайван байдлыг алдагдуулсан бол нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ.
2.Энэ гэмт хэргийг:
2.1.зэвсэг, тусгайлан бэлтгэсэн зэвсгийн чанартай зүйл хэрэглэж;
2.2.бусдын эд хөрөнгийг дээрэмдэж;
2.3.галдан шатааж;
2.4.бусдын эрүүл мэндэд хүнд хохирол учрах, амь нас хохирох нөхцөл байдалд хүргэж;
2.5.бусдын эд хөрөнгөд ноцтой хохирол учруулж үйлдсэн бол хоёр жилээс найман жил хүртэл хугацаагаар хорих ял шийтгэнэ гэж заажээ.

О.Сайхан

Төстэй мэдээллүүд

“Сэлэм “С.Бямбацогтын хэргийг прокурорт шилжүүллээ

2018/04/06, 11:46

"Фортуна" Н.Батбаяр АТГ-т 6 цагийн турш байцаагдлаа

2018/02/22, 08:56

Б.Гарамгайбаатарыг 5-10 жил хорих заалттай зүйл ангиар шалгаж байна

2017/04/06, 12:39

УИХ-ын гишүүн асан Н.Батбаярыг яллагдагчаар татлаа

2017/03/09, 09:16

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.