НИТХ-ын ээлжит бус хуралдаанаар агаарын бохирдлын талаар ярина

Бичсэн:marta
2018/08/30/, 09:04

НИТХ-ын Тэргүүлэгчдийн хурал хуралдлаа. Хэлэлцэх асуудлын дарааллын дагуу Нийслэлийн өмчийн харилцааны дарга Ч.Однасан Хөрөнгө бүртгэх тухай, Сүхбаатар дүүргийн 16 хорооны "Мандам” өрхийн эмнэлгийн барилгыг НӨХГ-ын балансад шилжүүлэх асуудлыг тэргүүлэгчдэд танилцуулж 2017 онд ашиглалтад орсон Хан-Уул дүүргийн 3-р хороонд баригдсан 240 хүүхдийн ортой 46-р цэцэрлэг, мөн тус дүүргийн 2-р хороонд байрлах 72-р цэцэрлэгийн байр, дагалдах эд хөрөнгө, Налайх дүүргийн 2-р хороонд 50 ортой хүүхдийн эмнэлгийг нийслэлийн өмчид бүртгэх шийдвэрийг Тэргүүлэгчид гаргалаа.
Мөн Нийслэлийн иргэдийн Төлөөлөгчдийн Хурлын ээлжит бус хуралдааныг 2018 оны 09-р сарын 14-ний Баасан гарагт хуралдуулахаар товлолоо. Тус хуралдаанаар Улаанбаатар хотын агаар орчны бохирдлыг бууруулах ажлын явц, авч хэрэгжүүлж буй арга хэмжээний тухай мэдээлэл, Нийслэлийн худалдаа үйлчилгээний нийтлэг журмыг батлах журмын төслийг хэлэлцүүлэхээр тогтов.
Нийслэлийн Иргэдийн Төлөөлөгчдийн хурлын дарга С.Амарсайхан "Нийслэл хотод явуулах гэж буй худалдаа үйлчилгээ, нийтийн үйлчилгээтэй холбоотой асуудлыг шийдвэрлэхээр хэлэлцүүлэг зохион байгуулсан. НИТХ, ЗДТГ энэ асуудлыг шийдэхгүй байна гэсэн асуудлууд яригдаж байна. Иргэд болон худалдаа үйлчилгээ эрхлэгчдийн хоёр талын эрх ашгийн асуудал үүний цаана байгаа тул бүх талын хамтын оролцоог хангаж, хамгийн эхэнд холбогдох журмыг гаргах ёстой. Хууль зүйн талаасаа Зөрчлийн тухай хууль, Захиргааны Ерөнхий хуулийн холбогдох зүйл заалтуудтай зөрчилдсөн зүйл бий” гэв.
Нийслэлийн Иргэдийн Хурлын Тэргүүлэгч С.Мөнхчулуун "Ээлжит бус хуралдаанаар хэлэлцэх асуудлуудыг дэмжиж байна. Худалдаа үйлчилгээ эрхлэх нийтлэг журмыг бид иргэдийн хурал дээрээ хэлэлцэн сайжруулах асуудал байвал хэлэлцээд явах нь зүйтэй. Цаг хугацаа алдалгүй илүү сайжруулах хэрэгтэй” гэлээ. Төрийн шагналд эрхэлсэн ажилдаа амжилт гаргасан 135 иргэнийг тодорхойлсон тогтоолын төслийг Тэргүүлэгчид дэмжиж Ерөнхийлөгчийн Тамгын газарт уламжлахаар боллоо.

НИТХ-ын ХМОНХТ

Төстэй мэдээллүүд

НИТХ-ын Тэргүүлэгчид зуны саруудад нийслэлчүүдийн ажил амьдралтай холбоотой шийдвэрүүдийг

2018/08/09, 14:24

НИТХ-ЫН ТЭРГҮҮЛЭГЧИД 2018 ОНЫ I УЛИРАЛД 8 УДАА ХУРАЛДАЖ, 26 ТОГТООЛ ГАРГАЖЭЭ

2018/05/08, 13:21

ЦАХИЛГААНД ХОЛБОГДООГҮЙ 20 МЯНГА ГАРУЙ ӨРХИЙН АСУУДЛЫГ ШИЙДВЭРЛЭХЭЭР БОЛОВ

2017/04/19, 13:44

Хан-Уул дүүргийн 13-р хороонд ахуйн үйлчилгээний цогцолбор барина

2016/02/19, 10:36

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.