Ерөнхий Сайд У.Хүрэлсүх С.Мөнхчулууныг Нийслэлийн Засаг даргаар батламжлахгүй нь тодорхой болжээ

Бичсэн:marta
2019/02/13/, 11:27

2019 оны 1 сарын 16-нд НИТХхуралдаж, Нийслэлийн Засаг дарга бөгөөд Улаанбаатар хотын захирагчийг сонгохоор санал хураалт явуулсан ч нэр дэвшсэн С.Амарсайхан, С.Мөнхчулуун нарын санал 21:21 харьцаатай тэнцэж, нэг санал дээр гурвалжин тэмдэглэгээ хийсэн тул хүчингүйд тооцон дахин санал хураахаар болсон билээ.

Улмаар дахин хураалт явуулахад С.Мөнхчулуун НИТХ-ын 43 төлөөлөгчдийн 24-ынх нь буюу олонхийн санал авч Нийслэлийн Засаг дарга бөгөөд Улаанбаатар хотын захирагчаар сонгогдож, харин түүнтэй өрсөлдсөн С.Амарсайхан НИТХ-ын 16 төлөөлөгчийн санал авсан юм.

Гэсэн ч Монгол Улсын Ерөнхий Сайд У.Хүрэлсүх түүнийг Нийслэлийн засаг дарга бөгөөд Улаанбаатар хотын захирагчаар батлалгүй өнөөдрийг хүрээд байна.

Тэгвэл тэрээр С.Мөнхчулууныг Нийслэлийн Засаг дарга бөгөөд Улаанбаатар хотын захирагчаар томилолгүй, НИТХ-д буцаах нь тодорхой болжээ.

Өчигдөр ЗГХЭГ-ийн дарга, Монгол Улсын сайд Л.Оюун-Эрдэнэ тухай:

"Ерөнхий сайдын бүрэн эрхийн асуудал. Хотын дарга бол нийслэлийн томоохон асуудлыг шийдэх ёстой албан тушаалтан. Энэ ч утгаараа өөрчилье гэж Ерөнхий сайд хандсан. Ерөнхий сайд бүрэн эрхийнхээ хугацаанд НИТХ-аас нэр дэвшүүлсэн иргэнийг нэг удаа буцаах боломжтой. Иргэдийн хурлаас гаргасан тэр шийдвэрийг хуулийнх нь хугацаанд шийдвэрлэх байх”

хэмээсэн юм.

Хэрэв Монгол Улсын Ерөнхий Сайд У.Хүрэлсүх 2019 оны 1 сарын 16-нд НИТХ-ын хурлаар Нийслэлийн Засаг даргаар сонгогдсон С.Мөнхчулууныг батламжлалгүй буцаавал НИТХ дахин хуралдаж, Нийслэлийн Засаг даргыг шинээр сонгох учиртай.

sonin.mn

Төстэй мэдээллүүд

Намын даргаа ичээсэн нийслэлийн МАН

2019/01/24, 09:32

Ерөнхий сайд Хотын даргаар сонгогдсон С.Мөнхчулууны нэрийг батламжлах саналыг буцаажээ

2019/01/22, 10:38

М.Энхболдын “ноёрхолыг унагах”-ыг эсэргүүцсэн нийслэл дэх МАНАН бүлэглэл С.Амарсайханыг

2019/01/21, 13:21

НИТХ-ын төлөөлөгчид С.Мөнхчулууныг хотын даргаар сонголоо

2019/01/17, 09:21

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.