Халаалтыг сунгасан ч орон сууцны компаниуд хэрэгжүүлсэнгүй

Бичсэн:saikhnaa
2019/05/16/, 15:46

Цаг агаарын нөхцөл байдалтай уялдуулан "Улаанбаатар дулааны сүлжээ” ТӨХК-иас халаалтыг зогсоох хугацааг энэ сарын 16-ныг буюу өнөөдрийг хүртэл сунгахаа мэдэгдсэн. Гэвч нийслэлийн Орон сууц нийтийн аж ахуйн конторууд айл өрхийн халаалтыг өчигдөр аль хэдийн хаасан байлаа. Тухайлбал, ХУД-ийн "Батбаяндулаан" ХХК өчигдөр өглөөний 08.00 цагт хэрэглэгчдийн дулааныг тасалсан байв.

Улаанбаатар дулааны сүлжээ ТӨХК-иас халаалт зогсоох хугацааг сунгасан тухай мэдээлснийг тус компанийн инженерээс тодруулахад, "Манай зүгээс энэ сарын 15-наас халаалтыг дуусгавар болгохоор "Улаанбаатар дулааны сүлжээ” компанитай гэрээ хийсэн. Харин сунгах тухай мэдэгдэл нэгэнт хаасны дараа ирсэн тул хэрэглэгчдийн халаалтыг өгөх боломжгүй юм” гэлээ.

Хэрэглэгчдийн зүгээс халаалтын төлбөрийг дулааны тоолуураар тооцон мөнгөө төлдөг болсон бөгөөд нийслэлийн хэмжээнд дулаан үйлдвэрлэгчийн зүгээс нэгдсэн байдлаар халаалтыг өгөх хугацааг сунгасаар байтал дээрх "Батбаяндулаан” ХХК зэрэг ОСНААК-ын үйл ажиллагаа эрхэлдэг байгууллагууд ямар ч уялдаагүй ажиллаж байна.

Төстэй мэдээллүүд

Халаалт зогсоох хугацааг хойшлууллаа

2019/05/15, 10:51

БАЙГУУЛЛАГУУДЫН ХАЛААЛТЫГ МАРГААШ НЭЭНЭ

2016/09/30, 09:20

Байгууллагуудын халаалтыг 10 дугаар сарын нэгнээс өгнө

2016/09/21, 09:14

ААН, байгууллагын халаалтыг ирэх сарын 1-ээс өгнө

2015/09/24, 13:06

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.