Хортой материалаар Хятадад гутал үйлдвэрлүүлж зардаг мафийн сүлжээг Италид илрүүлжээ

Бичсэн:mart
2019/10/30/, 11:21

Эрүүл мэндэд хортой хуванцар хог хаягдлыг Хятад руу илгээж, түүгээрээ гутал үйлдвэрлүүлэн Италид борлуулдаг мафийн сүлжээг илрүүлсэн тухай Италийн мөрдөн байцаагчид өчигдөр буюу Пүрэв гарагт мэдээлжээ.

Уг хэрэгтэй холбогдуулан 10 хүнийг баривчилж, таван хүнийг гэрийн хорионд суулгаж, Сицилид байдаг таван компаний үйл ажиллагааг зогсоосон байна.

Уг сүлжээг 1980, 1990-ээд оны үед нийт 60 хүний аминд хүрсэн гэмт хэргүүдэд холбогдож байсан Клаудио Карбонаро гэгч удирдаж байжээ.

2013 онд суллагдсаныхаа дараа Карбонаро мафийн өлгий гэгддэг Сицилид буцаж ирээд хортой хуванцар хог хаягдал хил давуулах бизнес эрхэлж эхэлсэн байна.

Ром хотод хортой материалаар үйлдвэрлэсэн гутал борлуулж байгааг илрүүлсний дараа дөрвөн жилийн хугацаанд мөрдсөний эцэст сүлжээг нь ил болгосон байна.

Мөрдөгчдийн мэдээлснээр хуванцар хог хаягдлыг Сицили дэх агуулахад цуглуулаад Хятад руу илгээдэг байжээ. Дараа нь эдгээр хог хаягдал нь шинэхэн гутал болон Италид буцаж ирдэг байсан гэнэ.

Эх сурвалж: AFP

https://ikon.mn/n/1pig?fbclid=IwAR27TSnFpk3W_MyLk7A6AJAWebi4owIvwCI3HCfjwZoU_c7xCg2UANPW05I

Төстэй мэдээллүүд

Эверест уулнаас 11 тонн хог хаягдлыг буулгажээ

2019/06/06, 16:24

Үхсэн халимны гэдэснээс 22 кг хуванцар гарчээ

2019/04/04, 10:13

Мафийн толгойлогчийг гэрийнх нь ойролцоо буудан хороожээ

2019/03/15, 10:22

Сицилийн бизнесмэнүүд мафийн эсрэг

2015/11/03, 14:24

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.