Сицилийн бизнесмэнүүд мафийн эсрэг

Бичсэн:munkhbat
2015/11/03/, 14:24

Италийн Багерия хамтралын бизнесмэнүүд, дэлгүүрийн эзэд худалдаа наймааг хянаж буй мафийн эсрэг бослого дэгдээжээ. Тэдэнтэй харьцсаны эцэст цагдаа нар мафийн 22 гишүүнийг саатуулах зөвшөөрөл олгосон бөгөөд нэгээс бусдыг нь баривчилсан аж.

"Татвар өгөхөөс зайлсхийж, эр зориг гаргасан хүмүүст талархлаа илэрхийлье. Цагдаа нар, мөрдөн байцаагч нарт баяр хүргэмээр байна. Багерия гэмт этгээдүүдийн нутаг биш” хэмээн Италийн Ерөнхий сайд Маттео Ренци мэдэгджээ.

Цагдаагийн газрын даргын хэлснээр бол бухимдсан хүмүүс хүчээ нэгтгээд Сицилийн мафийн эсрэг босох тохиолдол маш ховор гардаг гэнэ. Бизнесмэнүүд дээрэмчдэд мөнгө төлөхгүй бол уурыг нь хүргэх аюултай юм. Татвар төлөхөөс зайлсхийвэл мафийн гишүүд тэр хүний дэлгүүрийг шатаах юм уу амийг нь хороож мэднэ.

Багерия муж бол Коза ностра буюу Италийн Сицилийн мафийн эх орон билээ. Энэ гэмт бүлэглэл тус улсын хамгийн том мафийн байгууллагад тооцогдож байсан ч сүүлийн үед төр, засгийн явуулж буй бодлого тэдний хүчийг сулруулжээ. Энэ зун гэхэд л цагдаа нар Сицилийн мафийн 50 гаруй гишүүнийг саатуулсан юм.

Эх сурвалж www.wikimon.mn

Төстэй мэдээллүүд

“Эрдэнэт” үйлдвэр улсын үзлэгээр маш сайн үнэлэгдлээ

2015/09/22, 15:19

Г.Баярсайхан гишүүний бие төлөөлөгч цагдаа нарт томорчээ

2015/03/25, 17:41

Путин үхсэн үү

2015/03/16, 14:59

Я.Батсуурийг баривчилсан нь араасаа гинжин хэлхээ дагуулав

2015/02/28, 10:22

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.