А.Амбасэлмаа: Тусгаарлан ажиглах байранд байсан жирэмсэн эх амаржиж охинтой боллоо

Бичсэн:nomun
2020/08/19/, 11:57

ЭМЯ-ны ээлжит хэвлэлийн хурлын үеэр манай улсад коронавирусийн халдварын тохиолдол нэмэгдсэн эсэх талаар шинжилгээний хариуг ХӨСҮТ-ийн Тандалт, судалгааны албаны дарга А.Амбасэлмаа мэдээллээ.

Тэрбээр, "Өчигдөр нийт 750 хүнд шинжилгээ хийхэд коронавирус илрээгүй. Долдугаар сарын 29-нд Сөүл-Улаанбаатар чиглэлийн онгоцоор ирсэн 156 хүний давтан шинжилгээ, долдугаар сарын 30-нд Сидней-Улаанбаатар чиглэлийн онгоцоор ирсэн 78 хүний давтан шинжилгээ, наймдугаар сарын 9-нд Франкфурт-Улаанбаатар чиглэлийн онгоцоор ирсэн 253 давтан шинжилгээ, Орхон аймагт, Улаанбаатар хотод ажиглах байранд ажиллаж буй эмч, резидэнт 27 хүний давтан шинжилгээ, Сувиллын ажиглалтад байгаа 47 хүний давтан шинжилгээ, ХӨСҮТ-д тусгаарлагдсан нэг хүний давтан шинжилгээ, тандалтын зорилгоор цуглуулсан 12 хүний сорьцийг шинжлэхэд СӨРӨГ гарсан.

Тусгаарлан ажиглах байранд байгаа 8 хүний давтан шинжилгээ, Орхон аймагт тусгаарлагдсан 77, Дарханд тусгаарлагдсан 58, Алтанбулаг боомтоор орж ирсэн 22 жолоочийн шинжилгээ, Сэлэнгэ аймгийн нэгдсэн эмнэлэгт тусгаарлагдсан хоёр хүний шинжилгээнд коронавирусийн халдвар илрээгүй. Сэлэнгэд тусгаарлан ажиглах байранд тусгаарлагдсан хоёр хүний шинжилгээ, Баруун хараад долоон хүний давтан шинжилгээнд коронавирусийн халдвар илрээгүй.

Мөн тусгаарлан ажиглах байранд байсан жирэмсэн эх наймдугаар сарын 19-ний 02:00 цагт амаржиж, 2,800 гр охинтой боллоо" гэв.

Төстэй мэдээллүүд

520 хүний сорьцод шинжилгээ хийхэд бүгдэд нь коронавирус илрээгүй

2020/07/30, 11:43

Тусгаарлалтад байсан хоёр хүнээс коронавирусийн халдвар илэрлээ

2020/07/29, 12:07

"426 хүний шинжилгээнд коронавирусийн халдвар илрээгүй. Нэг хүн эдгэрч, ХӨСҮТ-өөс

2020/07/23, 12:05

Тусгаарлалтад байсан жирэмсэн эмэгтэй амаржиж хүүтэй болжээ

2020/07/09, 12:57

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.