АНУ Украинтай кибер аюулгүй байдал, батлан хамгаалахын салбарт хамтын ажиллагаагаа бэхжүүлнэ

Бичсэн:nomun
2021/11/11/, 13:24

АНУ Украинтай кибер аюулгүй байдлын салбар болон тагнуулын мэдээлэл солилцох чиглэлээр, мөн Хар тэнгис дэх цэргийн хамтын ажиллагаагаа бэхжүүлэхээр төлөвлөж байна гэж лхагва гарагт баталсан хоёр талын "стратегийн түншлэлийн тухай” хамтарсан тунхаг бичигт дурджээ.

Украины Гадаад хэргийн сайд Дмитрий Кулеба, АНУ-ын Төрийн нарийн бичгийн дарга Энтони Блинкен нарын Вашингтонд хийсэн уулзалтын дараа баталж, нийтэлсэн баримт бичгээс үзвэл, хоёр улс Украины ард түмний "эдийн засгийн хөгжил цэцэглэлтийг" хангахын тулд тус улсыг "Европ, Европ-Атлантын байгууллагуудад бүрэн интеграцчилахын" төлөө хамтран ажиллахаар болсон байна.

Түүнчлэн АНУ "Украины эрчим хүчний аюулгүй байдлыг хангахад тууштай байх” баталгааг өгсөн байна. "Эрчим хүчнээс хараат бус болох, "цэвэр” эдийн засагт шилжих, эрчим хүчний салбарт төрийн зохицуулалтыг халах, эрчим хүчний эх үүсвэрийг төрөлжүүлэх, Европын эрчим хүчний сүлжээнд нэгдэх, цөмийн салбарыг шинэчлэх, мөн эрчим хүчний эх үүсвэрийг Кремль геополитикийн зэвсэг болгон ашиглахаас урьдчилан сэргийлэхэд чиглэсэн Украины хүчин чармайлтыг Вашингтон дэмжихээр төлөвлөж байна” гэж тунхаг бичигт тэмдэглэжээ.

Үүнээс гадна, "батлан хамгаалах, аюулгүй байдлын салбарт хийгдэж буй шинэчлэлийг үргэлжлүүлэхэд Украинд дэмжлэг үзүүлэх", зэвсэгт хүчний бие бүрэлдэхүүнийг сургах, цэргийн сургуулилалт зохион байгуулах АНУ үүрэг амлалт хэвээр байгааг онцлон тэмдэглэсэн байна.

Д.Жаргал

Эх сурвалж: "Монцамэ" агентлаг

Төстэй мэдээллүүд

Сэргээгдэх эрчим хүчний эзлэх хувийг 2030 онд 30 хувь хүргэнэ

2021/10/19, 16:17

БНХАУ Монголоос худалдан авах нүүрсний хэмжээгээ нэмэгдүүлнэ

2021/10/13, 13:10

2017-2023 ОНД ЭРЧИМ ХҮЧНИЙ САЛБАРТ БАРИМТЛАХ БОДЛОГЫН БАРИМТ БИЧГЭЭ БОЛОВСРУУЛЛАА

2017/04/13, 14:47

“Эрчим хүчний салбарт хөдөлмөрийн аюулгүй байдал, эрүүл ахуйн стандартыг хэвшүүлэх нь”

2015/04/20, 12:49

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.