Дорнод: Нөөлөг салхины үеэр 4 хүн гэмтсэн

Бичсэн:zulaa
2025/09/06/, 18:01

Дорнод аймгийн Цагаан-Овоо, Хөлөнбуйр, Баяндун суманд өчигдөр /2025.09.02/ 16.00-16.30 цагийн хооронд түр зуурын нөөлөг салхины үзэгдэл ажиглагдсан байна. Нөөлөг салхины улмаас урьдчилсан байдлаар дээрх сумын барилгуудын дээвэр болон айлуудын гэр нурсан бөгөөд хохирлын хэмжээг эцэслэн тогтоохоор сумын Онцгой комисс ажиллаж байгааг мэдээллээ.

Тиймээс иргэд, малчид та бүхэн цаг агаарын урьдчилсан мэдээг тухай бүрт хүлээн авч, гэр, байшингийн дээвэр, хаалга, цонх, салхивч зэргийг бэхэлж, аюулгүй байдлаа хангахыг зөвлөж байна.

Одоогийн байдлаар 100 гаруй гэр, пин, байшин нурсан байдалтай, бусад хашаа, дээвэр, шон, цонх зэргийг аюулгүй болгож засварлах ажлыг хэрэгжүүлж байна. Мөн дөрвөн иргэн бэртсэн тул иргэдийг сумын Эрүүл мэндийн төвд авчирч, яаралтай анхны тусламж үзүүлсэн гэдгийг албаныхан мэдээлжээ. Мөн Цагаан-Овоо суманд Боловсролын газраас хүүхэд хамгаалал, хөрөнгө оруулалт, боловсролын улсын байцаагч бүхий таван хүний бүрэлдэхүүнтэй бүлэг ажиллаж байгаа аж. Бусад суманд сумын Онцгой комисс ажиллаж байна. Нөөлөг салхины улмаас цахилгаан шугам сүлжээний цехийн засварын ажлын хэсэг гарч, цахилгааны саатал гэмтлийг түргэн шуурхай засварлахаар ажиллаж байгаа бөгөөд хохиролын хэмжээ бүрэн гараагүй байгааг мэдээллээ.

Төстэй мэдээллүүд

Архангай аймгийн Өндөр-Улаан, Чулуут сумын цахилгаан хэвийн боллоо

2018/07/27, 10:29

Аадар бороо, хүчтэй салхины улмаас гурван аймгийн 10 сумын цахилгаан тасраад байна

2018/07/26, 10:53

Аадар бороо, хүчтэй салхины улмаас гурван аймгийн 10 сумын цахилгаан тасраад байна

2018/07/26, 10:23

Усархаг бороо, хүчтэй салхины улмаас 8 аймгийн 75 суманд цахилгаан тасарчээ

2018/07/20, 09:20

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.