Монгол хэл, бичгийн шалгалт өнөөдөр эхэллээ

Бичсэн:otgoo
2026/04/09/, 11:32

Монгол хэл, бичгийн шалгалт өнөөдөр/2026.4.9/ эхэлж байна. Шалгалт нийт 50 оноотой бөгөөд даалгаврыг 100 минутад хийж гүйцэтгэх ёстой аж. Тухайлбал шалгуулагчдаас дараах дөрвөн чадварыг шалгана. Үүнд:

Уншаад ойлгох чадвар. 700 орчим үгтэй бүрэн хэмжээний орчуулгын бус эхийг уншаад, сонгох хэлбэрийн 10 даалгаврыг гүйцэтгэнэ
Зөв бичих чадвар. 30-40 үгтэй бичил эхээс алдаатай бичсэн 5 үгийг олж засах
Үндэсний бичгээс хөрвүүлж унших чадвар. Бичил эхийг уншаад кирилл бичиг рүү хөрвүүлнэ
Эх зохион найруулж бичих чадвар буюу эсээ бичих. Эсээ нь 250 үгтэй байх бөгөөд хэнд, ямар зорилгоо, ямар хэлбэрээр бичсэн зааврын дагуу бичнэ

Шалгуулагчид шалгалтын байранд нэг цагийн өмнө очсон байх шаардлагатай бөгөөд шалгалт авах танхимд 10 минутын өмнө байраа эзэлсэн байх ёстой болохыг Боловсролын үнэлгээний төвөөс анхаарууллаа.

Харин их, дээд сургуульд элсэх ерөнхий шалгалт зургаадугаар сарын 25-нд Түүхийн шалгалтаар эхэлнэ. Тус өдөр мөн Англи хэлний шалгалтыг зохион байгуулах юм. Шалгалтын хугацааны тухайд Түүх, Англи хэл, Газар зүй, Нийгэм судлал, Биологи, Орос хэл, Монгол хэлний шалгалт 80 минут үргэлжлэх бол Хими, Математик, Физикийн шалгалт 100 минут үргэлжилнэ.

Төстэй мэдээллүүд

Элсэлтийн шалгалт VII сарын 4-нд түүхийн хичээлээр эхэлнэ

2024/06/21, 13:25

Нийслэлийн хэмжээнд 19 шалгуулагч Монгол хэл бичгийн шалгалтад 800 оноо авсан байна

2023/05/17, 10:15

ЭЕШ: Монгол хэл бичгийн шалгалт өнөөдөр 12:00 цагаас эхэлнэ

2019/03/23, 10:52

Элсэгчид эх хэлний шалгалт заавал өгнө

2015/02/10, 08:53

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.