"Эрдэнэс Монгол" ХК-ийн ТУЗ-ийн гишүүдийг шинэчиллээ

Бичсэн:munkhbat
2016/08/25/, 08:12

Засгийн газрын хуралдаанаар дараах томилгоонуудыг хийсэн байна. "Эрдэнэс Монгол” хувьцаат компанийн ТУЗ-ийн гишүүдийг шинээр томилж, ТУЗ-ийн хараат бус гишүүдийг нээлттэй сонгон шалгаруулалтаар тодруулахаар болжээ. Одоогоор гишүүдийн нэрийг зарлаагүй бөгөөд хэдэн хүний бүрэлдэхүүнтэй байгуулагдсан нь ч тодорхой бус байгаа юм. Хуульд зааснаар ТУЗ-ийн үндсэн гишүүдийн тоо ес хүртэлх байх ёстой бол хараат бус гишүүн нь гурваас доошгүй байна гэсэн заалттай.

Хараат бус гишүүдийг сонгон шалгаруулах зарыг олон улсын "Economist" сэтгүүл болон www.economist.com сайт, "Эрдэнэс Монгол” хувьцаат компанийн албан ёсны вэб хуудсаар дамжуулан долоодугаар сарын 8-нд зарласан байна. Наймдугаар сарын 10-ныг хүртэл горилогчдын материалыг хүлээн авч одоогоор сонгон шалгаруулах ажил үргэлжилж байгаа аж.

Мөн өчигдрийн хуралдаанаар Гаалийн ерөнхий газрын дзд даргаар Ё.Бат-Эрдэнийг, Шударга өрсөлдөөн хэрэглэгчийн төлөө газрын даргаар өмнө нь тус газрын даргаар ажиллаж Б.Лхагвааг томиллоо. Ё.Бат-Эрдэнэ дэд даргаар томилогдохоосоо Гааль татварын ерөнхий газрын Гаалийн тариф, татварын газрын даргаар ажиллаж байсан бөгөөд өмнө нь Улаанбаатар хотын гаалийн газрын дарга, ГЕГ-ын Төв лабораторийн дарга хийж байсан туршлагатай аж.

О.ЭРДЭНЭ

/ҮНДЭСНИЙ ШУУДАН/

Төстэй мэдээллүүд

Үндэсний статистикийн хорооны даргаар А.Ариунзаяаг томиллоо

2016/07/30, 12:45

Засгийн газрын ээлжит хуралдаан өнөөдөр болно

2015/10/05, 10:55

Засгийн газар хэд хэдэн томилгоо хийлээ

2015/04/15, 08:41

"Эрдэнэс Монгол" ТӨК-ийн гүйцэтгэт захирал тамгаа гардан авлаа

2015/02/05, 17:59

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.