Өчигдөр буюу тавдугаар сарын 20-ны өдөр 15.50 цагийн орчимд Сонгинохайрхан дүүргийн нутаг дэвсгэрт Эмээлтийн замд ноцтой осол гарчээ.

Хьюндай Соната-2 маркын автомашины жолооч Исүзү Трак маркын ачааны автомашинтай мөргөлдсөний улмаас гурван хүн нас барж, нэг хүн гэмтсэн байна.

Хэдийгээр ослын шалтгаан одоогоор тодорхой болоогүй ч жолооч нарыг замын хөдөлгөөнд анхаарал болгоомжтой оролцож, урсгал сөрөхгүй, хурд хэтрүүлэхгүй байх, өөрөө болон зорчигчиддоо хамгаалалтын бүсээ байнга хэрэглэж явахыг анхааруулж байна.