“Барселона” тав дахь удаагаа Аваргуудын лигийн аварга боллоо

Бичсэн:tonshuul
2015/06/07/, 15:14

БЕРЛИН. /AP/. Испанийн хөл бөмбөгийн "Барселона” баг Италийн "Ювентус” багийг хожсоноор Аваргуудын лигийн цомыг хүртлээ. Германы нийслэл Берлин хотод болсон тоглолт 3:1 онооны харьцаатайгаар дууссан байна.

Тоглолтын дөрөв дэх минутад Иван Ракитич гоол оруулсан бол хоёрдугаар үе эхлээд 10 минутын дараагаар Альваро Мората оноог тэнцүүлжээ. Гэвч Луис Суарес 68 дахь минутад хожлын гоолыг оруулсан байна. Харин Неймар 90 дэх минутад гоол оруулснаар онооны харьцааг 3:1 болгосон байна.

Тоглолтын 78 дахь минутад талбайд солилцоогоор гарсан "Барселона” клубын хагас хамгаалагч Хави энэ тэмцээний 151 тоглолтод оролцсон анхны тоглогч болж, дээд амжилт тогтоожээ. Ракитичид амжилттай дамжуулалт өгсөн Андреас Иньеста Аваргуудын лигийн финалын гурван тоглолтод толгойгоороо амжилттай дамжуулалт хийсэн анхны тоглогч болсон байна.

"Барселона”-гийн хувьд түүхэндээ тав дахь удаагаа энэ цомыг хүртэж байна.

Харин "Ювентус” Аваргуудын лигийн финалын зургаан тоглолтод хожигдсон цорын ганц баг болжээ.

Д.Жаргал

Эх сурвалж: "Монцамэ" агентлаг

Төстэй мэдээллүүд

Урлаг спортын 7 хоногийн онцлох үйл явдлууд

2015/04/18, 15:28

Т.Санчирт Монголчуудаас гадна филиппинчүүд ч итгэж байна

2015/04/13, 09:04

“Челси”-гийн хаалгач 60 метрийн зайнаас гоол алджээ

2015/04/06, 08:50

Роналду бол 398 сая еврогийн үнэтэй тоглогч

2015/02/06, 09:17

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.