АНУ-ын Ерөнхийлөгч Д.Трамп Японд айлчлал хийнэ

Бичсэн:munkhbat
2017/09/14/, 15:14

АНУ-ын Ерөнхийлөгч Д.Трамп 11 дүгээр сард Азийн орнуудаар хийх цуврал айлчлалынхаа хүрээнд энэ онд анх удаагаа Японд албан ёсны айлчлал хийнэ. Энэ тухай лхагва гарагт Японы "Aсахи” сонинд мэдээлжээ.

Тус сонинд мэдээлснээр, Д.Трамп 11 дүгээр сарын 4-6-ны хооронд айлчлахаар төлөвлөж байгаа аж. Японы Ерөнхий сайд Шинзо Абэ-тэй хийх хэлэлцээний гол сэдэв нь хоёр орны харилцаа, ялангуяа худалдаа болон аюулгүй байдлыг хангах чиглэлийн хамтын ажиллагааны асуудал, түүнчлэн Умард Солонгос, Ази-Номхон далайн бүс нутгийн нөхцөл байдал байх ажээ.

Д.Трамп Азид хийж буй анхны цуврал айлчлалынхаа хүрээнд Филиппинд болох Зүүн азийн дээд хэмжээний уулзалт, АНУ - Зүүн өмнөд азийн орнуудын холбооны /АСЕАН/ дээд хэмжээний уулзалт, мөн түүнчлэн 11 дүгээр сард Вьетнамд болох Ази-Номхон далайн эдийн засгийн хамтын ажиллагааны уулзалтад тус тус оролцох юм.

Үүнээс өмнө Их Британийн "Ройтерс”, Америкийн "Блүүмберг" агентлагууд Ерөнхийлөгч Д.Трамп энэ цуврал айлчлалынхаа хүрээнд Хятадад айлчлахаар төлөвлөж байна гэж мэдээлж байсан юм.

Эх сурвалж: Тасс агентлаг

Төстэй мэдээллүүд

Ким Чен Ун пуужингийн сүүлийн туршилтдаа гуамыг багтаасан байжээ

2017/08/31, 10:24

Дональд Трамп твиттерээс гарах бодолгүй гэдгээ зарлажээ

2017/08/02, 13:13

Ерөнхий сайд Ж.Эрдэнэбат Япон улсад айлчилна

2016/10/12, 09:06

Өнөөдөр Япон Улсын Ерөнхий сайд Шинзо Абэ Монгол Улсад ажлын айлчлал хийнэ

2015/10/22, 09:58

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.