Орчин үеийн уул уурхайн салбар ойгоо тэмдэглэлээ

Бичсэн:munkhbat
2017/12/26/, 09:20

Монгол Улсад орчин үөийн уул уурхайн салбар үүсч хөгжсөний 95 жилийн ой энэ жил тохиож байгаа билээ. Ойн баярын хурал өчигдөр болсон бөгөөд хуралд Уул уурхай, хүнд үйлдвэрийн сайд Д.Сумъяабазар, дэд сайд Д.Загджав болон салбарын эрдэмтэн мэргэд, үе үөийн уурхайчдын төлөөлөл оролцсон байна. Баярын хурлын үеэр Уул уурхай, хүнд үйлдвэрийн сайд Д.Сумъяабазар "Манай уул уурхайн салбар эдийн засгийн тэргүүлэх салбар болон хөгжиж, экспортын нийт бүтээгдэхүүний 90 гаруй хувь, аж үйлдвэрийн нийт бүтээгдэхүүний 70 гаруй хувь, ДНБ-ий 20 гаруй хувь, улсын төсвийн орлогын 25 бүрдүүлж байна” гэлээ. Мөн уул уурхай бол нийгмийн дэмжлэг, хөрөнгө оруулагчдын итгэл дээр тогтдог эмзэг салбар бөгөөд салбарын бодлого чиглэлийг зөв тодорхойлох, эрх зүйн орчныг ойлгомжтой, тогтвортой байлгах, мэдээллийн ил тод байдлыг хангах, иргад олон нийтэд зөв ойлголт өгөх, бүх төвшинд нэалттэй хамтран ажиллах нь чухал болохыг онцоллоо.

Мөн энэ оны эхний 11 сард 43.5 сая тонн нүүрс, 1.2 сая тонн зэсийн баяжмал, 5.2 мянган тонн молибдөний баяжмал, 19 тонн алт, долоон сая баррель газрын тос, 7.3 сая тонн төмрийн хүдэр, 3.4 сая тонн төмрийн баяжмал, 129 мянган тонн хайлуур жонш, 77 мянган тонн цайрын баяжмал үйлдвэрлэжээ. Энэ нь өнгөрсөн пнш мөн үөтэй харьцуулахад алт долоон хувь, молибдений баяжмал 14 хувь, төмрийн хүдрийн баяжмал 64 хувь, нүүрс 44 хувиар өссөн дүн юм. Мөн улсын төсөвт 1.4 их наяд төгрөг төвлөрүүлээд байгаа нь өнгөрсөн оны дүнгээс 2.1 дахин өссөн үзүүлэлт ажээ.

Түүнчлэн нийт нутаг дэвсгэрийн хэмжээнд хийсэн геологийн шаталсан судалгаа, эрэл, хайгуулын ажлын үр дүнд 80 гаруй төрлийн ашигт малтмалын 1100 гаруй орд, 10000 орчим илрэл, олом мянган эрдэсжсэн цэгийг тогтоосон байна. Энэ оны байдлаар 57 сая тонн зэс, 37.2 тэрбум тонн нүүрс, 1.2 тэрбум тонн төмрийн хүдэр, 2500 тонн алт, 1.7 сая тонн цайр, 48.3 сая тонн хайлуур жонш, 197 мянган томн уран, 332.6 сая тонн газрын тосны баталгаат нөөц бүртгэжээ.

Б.ЦЭНД /ҮНДЭСНИЙ ШУУДАН/

Төстэй мэдээллүүд

“Эрдэнэт” үйлдвэр төлөвлөгөөнөөс илүү бүтээгдэхүүн үйлдвэрлэжээ

2015/11/27, 13:38

Есөн сарын байдлаар 7.6 тонн алт экспортложээ

2015/10/30, 10:07

Аравдугаар сараас шатахууны үнэ буурна

2015/08/26, 17:35

УУЛ УУРХАЙН САЛБАР УЛСЫН ТӨСӨВТ 852 ТЭРБУМ ТӨГРӨГ ТӨВЛӨРҮҮЛНЭ

2015/03/03, 16:36

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.