“Зогс шугам”-наас хэтэрч зогсон түгжрэл үүсгэвэл хариуцлага тооцно

Бичсэн:zulaa
2018/01/23/, 14:12

Тээврийн хэрэгслээ уулзварт зогсоох буюу хөндлөн замаар яваа тээврийн хэрэгслийн хөдөлгөөнд саад учруулах нь замын түгжрэлийг үүсгэдэг гол шалтгаан билээ. Замын тэмдэглэл нь замын хөдөлгөөнд оролцож байгаа жолооч нарт тодорхой хэмжээний горим тогтоох, зорчих баримжаа олгох зорилгоор хийгддэг аж. Ялангуяа "Зогс шугам” нь жолооч нарт хориглосон гэрлэн дохио бөгөөд жолооч нарын зогсох газрыг заадаг тэмдэглэл юм. Иймд жолооч нар хориглосон гэрлэн дохио буюу шар гэрэл анивчих, улаан гэрэл ассан үед жолооч "Зогс шугам”-ыг давахгүйгээр тээврийн хэрэгслээ "Зогс” шугамын ард зогсож, дараагийн зөвшөөрсөн гэрлэн дохиог хүлээх ёстой байдаг.

Ингэснээр зөвшөөрсөн гэрлэн дохио нь ассан боловч тухайн чиглэлийн замд тээврийн хэрэгслийн хөдөлгөөн удааширсан, түгжрэл сааталтай байхад "Зогс шугам”-ын ард зогсолгүй, уулзвар руу орж бусдын хөдөлгөөнд саад учруулах явдал Багшийн дээд, МИС, "Цэцэг” төв, Төв шуудангийн уулзвар зэрэг газарт байнга гарч буй юм. Тиймээс түгжирсэн уулзвар руу орж, тээврийн хэрэгслийн хөдөлгөөнд саад учруулж буй явдлыг багасгах чиглэлд Замын цагдаагийн албанаас анхаарч ажиллах болжээ. Энэ талаар ЗЦА-ны Урьдчилан сэргийлэх хэлтсийн ахлах мэргэжилтэн, ахмад Б.Лхагважаргал "Замын хөдөлгөөний дүрмийн 12.2-т "Хөндлөн замаас яваа тээврийн хэрэгслийн хөдөлгөөнд саад учруулан автомашинаа зогсоож болзошгүй түгжрэл, саатал бий болсон үед уулзвар руу орохыг хориглоно” гэж заасан тухай хэллээ.

Гэтэл жолооч нар амиа бодон ачаалалтай уулзвар луу зохиомол түгжрэл үүсгэх нэг нөхцөлийг бүрдүүлж байна. Ийм байдал дэлхийн бусад оронд ч тохиолдож, шийдвэрлэж байсан. Үүнийг шийдвэрлэхийн тулд шар өнгийн дөрвөлжин тэмдэглэгээгээр уулзварт зогсож болохгүй хэсгийг зааж өгдөг юм. Уг тэмдэглэгээ нь тухайн уулзварын ачаалал хэр байгааг харуулж, жолоочийн зогсох газрыг зааж өгөхөөс гадна уулзварт нэвтрэх чадварыг сайжруулна. Мөн жолооч та хөдөлгөөнд саад учруулж тээврийн хэрэгслээ зогсоож болзошгүй тохиолдолд уулзварт орохгүйгээр "Зогс шугам”-ын ард дараагийн зөвшөөрсөн гэрлэн дохиог хүлээн зогсох ухамсартай, сахилга, соёлтой байх хэрэгтэй юм. ЗЦА-наас энэ төрлийн зөрчилд тавих хяналтыг эрчимжүүлэх, жолооч нарын сахилга, хариуцлагыг дээшлүүлэх чиглэлээр тодорхой төрлийн ажил зохион байгуулан ажиллаж байна” гэж мэдэгдлээ.

Төстэй мэдээллүүд

Замын хөдөлгөөний ачаалал бага үед жолооч нар хурд хэтрүүлэхгүй байхыг анхаарууллаа

2017/07/31, 13:49

Жолооч та ямар тохиолдолд оноогоо хасуулах вэ?

2016/01/05, 12:22

Явган зорчигчийн амь насыг хохироожээ

2015/03/27, 17:11

Нийтийн тээврийн хэрэгслийн жолооч нар сахилга хариуцлагаа дээшлүүлэх хэрэгтэй байна

2015/03/20, 15:10

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.