НОЁН УУЛЫГ УХСАН ЭСЭХИЙГ АНХАН ШАТНЫ ШҮҮХЭЭР ДАХИН ХЭЛЭЛЦЭХЭЭР БОЛЖЭЭ

Бичсэн:munkhbat
2018/11/15/, 09:41

Дээд шүүхийн хяналтын шатны захиргааны хэргийн шүүх хуралдаанаар "Ноён уулаа аврах хөдөлгөөн” НҮТББ-ын нэхэмжлэлтэй, Ашигт малтмал, газрын тосны газрын Кадастрын хэлтэст холбогдох захиргааны хэргийг нэхэмжлэгчийн өмгөөлөгчийн гаргасан гомдлыг өчигдөр хянан хэлэлцлээ.

Нэхэмжлэгч "Ноён уулаа аврах хөдөлгөөн” НҮТББ нь Ашигт малтмал, газрын тосны газрын Кадастрын хэлтсийн шийдвэрээр "Сентеррагоулд монголия” ХХК-д Сэлэнгэ аймгийн Мандал сумын нутаг Гацуурт гэдэг газарт олгогдсон 372А, 431А, 5082А, 10810А дугаар бүхий ашигт малтмал ашиглах тусгай зөвшөөрлүүдийг хүчингүй болгуулахыг даалгах нэхэмжлэлийн шаардлагыг шүүхэд гаргасан аж.

Нийслэл дэх Захиргааны хэргийн анхан шатны шүүх уг хэргийг өнгөрсөн зургадугаар сарын 7-ны өдөр хянан хэлэлцээд "Ноён уулаа аврах хөдөлгөөн” НҮТББ-ын нэхэмжлэлийн шаардлагыг бүхэлд нь хангаж, ашигт малтмалын тусгай зөвшөөрлүүдийг цуцлах тухай шийдвэр гаргахыг хариуцагч Ашигт малтмал, газрын тосны газрын Кадастрын хэлтэст даалгаж шийдвэрлэжээ.

Харин Захиргааны хэргийн давж заалдах шатны шүүх дээрх хэргийг 2018 оны 9 дүгээр сарын 13-ны өдөр хянан хэлэлцээд анхан шатны шүүх хэрэг хянан шийдвэрлэх ажиллагааны журмыг зөрчсөн, хэрэгт ач холбогдол бүхий нотлох баримтыг дутуу цуглуулсан үндэслэлээр анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр анхан шатны шүүхэд буцааж шийдвэрлэсэн байна.

Тэгвэл өчигдөр Дээд шүүхийн хяналтын шатны захиргааны хэргийн шүүх хуралдаанаар хэргийг хянан хэлэлцээд Захиргааны хэргийн давж заалдах шатны шүүхийн магадлалыг үндэслэл бүхий байна гэж үзэж, хэвээр үлдээж шийдвэрлэв.

О.Сайхан
Оллоо.mn

Төстэй мэдээллүүд

“Улаанбаатар төмөр зам”-ын нэхэмжлэлтэй иргэний хэргийг шийдвэрлэлээ

2018/09/28, 09:23

Дээд шүүхээр хянан хэлэлцсэн иргэний хэрэг өсчээ

2017/01/05, 12:58

“Алтандорнод” ХХК нь хувийн шүүгч нартай болсон уу?

2015/04/15, 15:40

Д.Цогтбаатар нарт холбогдох хэргийг хянан хэлэлцлээ

2015/03/22, 18:18

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.