Бичсэн:marta
2018/11/26/, 13:10

Tweet

Их Британийн Ерөнхий сайд Тереза Мэй өнөөдөр Европын холбооны удирдлагуудтай эвслээс гарах гэрээнд гарын үсэг зурах гэж байна. Энэ үеэр Брюссель хотноо Европын холбооны 27 улсын удирдлагууд Ерөнхий сайд Тереза Мэйтэй тусгай уулзалт хийнэ. Их Британийг Европын холбооноос гаргах гэрээг боловсруулахад талууд санхүүгийн харилцаа, иргэдийн эрх, худалдаа, аюулгүй байдал, Хойд Ирландын статус  зэрэг олон асуудлаар 17 сарын турш үргэлжилсэн уулзалт хэлэлцээр хийсэн юм.

Парламентаас Европын холбоог орхих шийдэр гаргасантай холбогдуулан Их Британийн парламент анх 2016 онд ард иргэдийн дунд санал асуулга явуулахад 48.1 хувь нь татгалзаж, 51.9 хувь нь зөвшөөрсөн санал өгч Европын холбоог орхих ажил эхэлсэн.

Их Британийг Европын холбооноос гаргах гэрээнд гарын үсэг зурсаны дараа ирэх оны гуравдугаар сард Лондон хотноо парламентаар хэлэлцүүлж баталснаар шийдвэр хүчин төгөлдөр болох аж. Гэхдээ энэхүү шийдвэрийг Умард Ирландын эрх баригчид төлийлөн дэмжихгүй байгаа бөгөөд ИБУИНВУ улс төрийн асуудлаас болж хагаралдах  асуудал гарч болзошгүй байна. Мөн энэхүү шийдвэрийг гаргаснаар санхүүгийн хувьд ихээхэн хүндрэлтэй тулгарах бөгөөд нийт 39 тэрбум Фунт стерлинг буюу 49.8 тэрбум ам.долларыг Европын холбоонд татвар хураамж, торгууль болон өрийн хэлбэрээр төлөх болж байна. Гэхдээ холбоонд үлдсэнээр илүү ихийг  алдана гэж Ерөнхий сайд үзэж байна.

Их Британи нь Европын холбоонд элсээд 40 орчим жил болсны дараа  эвслээс эргэн гарч байгаа юм.