Махчин үлэг гүрвэлийн шинэ төрөл зүйлийг илрүүлжээ

Бичсэн:mart
2019/10/11/, 14:26

Тайландаас аварга загас шиг шүдтэй махчин үлэг гүрвэлийн шинэ төрөл зүйлийг илрүүлсэн талаарх судалгааг "PLOS ONE” сэтгүүл лхагва гарагт нийтэлжээ.

Тайландын "Nakhon Ratchasima Rajabhat” их сургууль, Японы Фүкүй мужийн их сургуулийн судлаачид уг үлэг гүрвэлийг "Сиамраптор Сувати” хэмээн нэрлэсэн байна. 115 сая орчим жилийн өмнө амьдарч байсан "Сиамраптор Сувати”-г 8 метр орчим өндөр байсан хэмээн судлаачид таамаглаж байгаа гэнэ.

Уг судалгаа нь Япон-Тайландын судлаачдын хамтран хэрэгжүүлж буй үлэг гүрвэлийн төслийн нэг хэсэг ажээ. Фүкүй мужийн их сургуулийн палеонтологич Соки Хатторигийн мэдээлснээр, "Сиамраптор Сувати” амьдарч байсан цаг үедээ хамгийн том махчин амьтан байжээ.

Дөрвөн үлэг гүрвэлийнх хэмээн таамаглаж буй олдворуудад гавлын яс, нурууны яс, мөч, сүүж, шүд зэрэг багтаж байсан бөгөөд эдгээр олдвороос "Сиамраптор Сувати”-гийн талаарх мэдээллийг цуглуулжээ. "Эртний үлэг гүрвэлийн төрөл зүйлүүдийн яс ихэвчлэн Африк, Европоос тул Зүүн Өмнөд Азиас олдсон явдал маш гайхмаар нээлт болсон" гэж С.Хаттори хэлсэн байна.

Э.Хулан

Эх сурвалж: "Монцамэ" агентлаг

Төстэй мэдээллүүд

80 САЯ ЖИЛИЙН НАСТАЙ ҮЛЭГ ГҮРВЭЛИЙН ОЛДВОРЫГ ХУУЛЬ БУСААР ОЛЖ АВСАН БАЙЖЭЭ

2018/06/27, 12:05

Хоёр үлэг гүрвэлийн чулуужсан араг яс 3.4 сая ам.долларын үнэд хүрчээ

2018/04/13, 15:18

“Нисдэг мангас”-ын үлдэгдэл Монголын говиос олджээ

2017/11/02, 15:27

Үлэг гүрвэлийн олдворуудаа буцаан авна

2016/02/17, 09:20

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.