Орох, гарах зөвшөөрлийг Цагдаагийн газраас авна

Бичсэн:nomun
2020/03/12/, 13:29

Дархан-Уул /МОНЦАМЭ/. Улсын онцгой комиссын шийдвэрээр шинэ төрлийн коронавирусний халдвараас урьдчилан сэргийлэх арга хэмжээний хүрээнд Улаанбаатар хот, аймаг хоорондын авто зам, агаарын тээвэр, төмөр замаар зорчих хөдөлгөөнийг гуравдугаар сарын 10-ны 07:00 цагаас 16-ны өдрийн 07:00 цаг хүртэл хязгаарлах шийдвэр гаргасан.

Дархан-Уул аймгаас орох гарах түр зөвшөөрлийг өмнө нь Онцгой байдлын газарт байрлаж буй Шуурхай штабаас олгож байсан бол энэ удаад аймгийн Цагдаагийн газрын Замын цагдаагийн тасаг хариуцан олгохоор болжээ.

Ар гэрийн гачигдал, эмнэлгийн яаралтай тусламж, албан томилолттой иргэд болон хүнс, тэжээл тээвэрлэх аж ахуйн нэгж байгууллагын тээврийн хэрэгслийг холбогдох бичиг баримтыг үндэслэн саадгүй нэвтрүүлнэ.

Иймд зөвшөөрөл хүссэн иргэн холбогдох нотлох баримтыг заавал авч ирэх шаардлагатай гэж аймгийн Цагдаагийн газраас сануулж байна.

Бүрдүүлэх бичиг баримтын тухайд:

- Иргэний үнэмлэхний хуулбар

- Өргөдөл /Учир шалтгааныг тодорхой бичих, утасны дугаарыг заавал бичнэ./

- Тээврийн хэрэгслийн гэрчилгээний хуулбар

- Жолооны үнэмлэхний хуулбар

- Эмнэлгийн магадлагаагаар хот хооронд зорчих бол түүнийг гэрчлэх эмнэлгийн баталгаат маягт

- Нас барсны гэрчилгээ зэрэг бичиг баримтыг бүрдүүлэн автозамаар зорчих бичиг авах ажээ.

Төстэй мэдээллүүд

Тээврийн хэрэгслийн шилжилт хөдөлгөөнийг хуурамчаар бүрдүүлж байна

2018/05/18, 12:17

Өрхийн хэрэглээний 0,7 га газраа өмчилж аваагүй иргэдээ зориулж дараах зөвлөмжийг хүргэж

2018/02/18, 18:50

Иргэд, малчид, тээврийн хэрэгслийн жолооч, аж ахуйн нэгж, байгууллагын анхааралд

2017/01/27, 11:59

Дүрэм зөрчсөн тээврийн хэрэгслийг зөөж шилжүүлэх хуулийн этгээдийг сонгон шалгаруулах

2016/01/29, 12:35

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.