Б.Отгонсүх: Тасганы овооноос Эх нялхасын уулзвар хүртэлх замын суурь асфальт, бетон хучилтын ажил хийгдэж байна

Бичсэн:nomun
2020/05/08/, 15:02

Улсын болон нийслэлийн төсвөөр энэ онд Улаанбаатарт нийт 52,8 км авто зам шинээр тавигдаж, 17,8 км уулзвар шинэчлэлтийн ажил хийгдэхээр төлөвлөгдөн, дөрөвдүгээр сарын 1-нээс ажлууд эхэлсэн билээ.

Баянгол дүүрэг Тасганы овооноос Баянбүрдийн тойрог хүртэлх 1.09 км замын засвар шинэчлэлтийн ажил хийгдэж байна.

Энэхүү ажлын явцын талаар нийслэлийн Засаг даргын орлогч, Зам тээврийн асуудал хариуцсан төслүүдийн удирдагч Б.Отгонсүхээс тодруулахад " Өнөөдөр Тасганы овооноос Эх нялхасын уулзвар хүртэлх авто замын суурь асфальт, бетон хучилтын ажил хийгдэж байна. Замын ажилд хоёр техник асфальт, бетон дэвсэгч, хоёр хийн дугуйт,хоёр булт индүү, хоёр ачаа болон нэг усны машин ажиллаж байна.

Одоогийн байдлаар Тасганы овооноос Баянбүрдийн тойрог хүртэлх замын бүтээн байгуулалтын ажлыг төлөвлөгөөт хугацаанд дуусгахын тулд 100 гаруй замчид 24 цагаар замын ажилд ажиллаж байна.” гэв.

Тасганы овооноос Баянбүрдийн тойрог хүртэлх чиглэлийн хойд хэсгийн зам засвар шинэчлэлтийн ажил энэ сарын 13-нд дуусах бөгөөд үргэлжлүүлэн урд замын ажил эхлэх юм байна.

Төстэй мэдээллүүд

“Баянбүрдийн тойргоос Эх Нялхсын уулзвар хүртэлх” авто замыг хэсэгчлэн хаана

2020/04/27, 13:56

Баянзүрхийн товчоо орчмын замын асфальт бетон хучилтыг хийж байна

2018/09/19, 11:16

Чингэлтэйн замыг хааж хучилт хийнэ

2016/05/27, 10:43

Нийслэлд энэ онд 14 байршилд 91 тэрбумаар замын ажил гүйцэтгэнэ

2015/04/09, 09:00

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.