Өвөрмонголын нэрт зураач Б.Билэг олон улсын уралдаанд түрүүлжээ

Бичсэн:zulaa
2022/11/02/, 15:29

Хорватын олон улсын шог зургийн үзэсгэлэнд БНХАУ-аас оролцсон Өвөрмонголын нэрт зураач Б.Билэгт түрүүлжээ.

Долоон жил дарааллан зохион байгуулагдаж байгаа Хорватын CAKOVEC хэмээх комик үзэсгэлэнгийн 2022 оных "Сонирхогчдын спорт” хэмээх сэдэвтэй байсан ба дэлхийн 53 улс орны 271 шог зураачийн нийт 528 бүтээл уралдаанд ирсэн байна.

Уран бүтээлчид "Сонирхогчдын спорт”-ыг өөр өөрийн өнцгөөс янз бүрээр илэрхийлсэнээс БНХАУ-ын ӨМӨЗО-ны зураач Б.Билэг зураачийн бүтээл нэгдүгээр байрт, Герман, Украины шог зураачдын бүтээл хоёр, гуравдугаар байрт шалгарсан байна.

1965 онд төрсөн, ӨМӨЗО-ны Шилийнгол аймгийн Сөнөд зүүн хошууны Хонгор сумын уугуул, шог зураач Б.Билэг нь Шилийнхотын тусгай мэргэжлийн дээд сургуульд багшаар ажилладаг. Улсын хэмжээний болон олон улсын шог зургийн үзэсгэлэнд 300 гаруй бүтээл нь сонгогдож, дэлхийн нэр хүндтэй уралдаанаас 60 гаруй том шагнал хүртэж, олон улсын болон Хятадын шог зургийн уралдааны шүүгчээр олон жил ажиллажээ. Хорватын уралдаанд түрүүлсэн түүний бүтээл болон бусад бүтээлийн дээжээс хүргэж байна.

https://www.sonin.mn/news/culture/133717

Төстэй мэдээллүүд

Холливүүд Монголд: Тайз дэлгэцийн зураачдын "Домгийн жимээр" үзэсгэлэнг дэлгэнэ

2019/04/30, 12:20

Өвөр Монголын зураач Б.Билиг “Salt &Pepper” уралдааны тэргүүн шагнал хүртлээ

2017/07/21, 15:41

Дижитал хөрөг зургийн шилдэг бүтээлийг тодруулжээ

2016/12/13, 08:54

Монгол бүтээл дэлхийд үнэлэгдэв

2015/09/23, 14:32

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.