Авто худалдааны цогцолборын даргыг АТГ-т шалгаж байна

Бичсэн:soyoloo
2016/07/21/, 09:24

Авто худалдааны цогцолбор хэмээх орон нутгийн өмчит аж ахуйн тооцоот үйлдвэрийн газрын дарга Д.Байдрагийг Авлигатай тэмцэх газрын Мөрдөн шалгах хэлтэст шалгаж эхэлжээ. Тус цогцолборыг байгуулна гэж ярьж эхэлсэн цагаас л автомашин худалдан борлуулдаг хүмүүс шинэ газар руу нүүнэ, нүүхгүй хэмээн маргаан дэгдээж байсан. Үүнтэй холбоотойгоор бараг хүчээр нүүлгэх асуудал ч яригдаж байсан удаатай. Гэвч "Да хүрээ”, "1000 машины зогсоол”, "Өгөөмөр” захынхан одоо ч хуучин газраа үйл ажиллагаа явуулсаар байгаа билээ.

Д.Байдрагийг ямар хэрэгт сэжиглэн шалгаж буйг Нийслэлийн прокурорын газрын эх сурвалжаас тодруулахад "Эрх мэдэл, албан тушаалаа ашиглан бусдыг хясан боогдуулах замаар удаа дараа хахууль авсан хэрэгт холбогдуулан Эрүүгийн хуулийн 268.2-т зааснаар сэжиглэн шалгаж байгаа. Мөрдөн байцаалт үргэлжилж буй болохоор дэлгэрэнгүй мэдээлэл өгөх боломжгүй” гэв.

Түүнийг баяр наадмын өмнө ШШГЕГ-ын харьяа Цагдан хорих 461 дүгээр ангид цагдан хорьсон ч 72 цаг болгоод гаргасан. Мөрдөн шалгах байгууллагаас түүнийг 14 хоног хорих саналтай байсан ч албадан саатуулах төвд нэг их удаалгүй шүүхээс батлан даалтад өгсөн аж.

Эх сурвалж "Өнөөдөр" сонин

Төстэй мэдээллүүд

Е.Сагсай: Т.Лхагвасүмбэрэлийн хэргийг нэгтгэж УМБГ-т өгсөн

2016/01/13, 09:15

Д.Булганыг сэжигтнээр татаж, хорих хугацааг 14 хоногоор сунгалаа

2015/11/17, 10:26

АТГ 3 тэрбум 950 сая төгрөгийг эд хөрөнгийг битүүмжилжээ

2015/04/06, 14:01

Орох орон ч үгүй болсон гэх хошууч генерал М.Жаргалыг Ганц худагт хорьжээ

2015/02/28, 10:23

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.