ӨНӨӨДӨР “БУРХАН БАГШ ЭХИЙНХЭЭ АЧИЙГ ХАРИУЛСАН ИХ ДҮЙЧИН ӨДӨР”

Бичсэн:soyoloo
2016/10/22/, 16:06

Өнөөдөр намрын адаг сарын билгийн тооллын 22. Бурхан багш төрөл таалсан ээжийнхээ ачийг хариулахаар 33 тэнгэрийн орноо залран очиж, ээждээ болон бусад тэнгэрүүдэд гурван сарын турш ном айлдаж, ханьцашгүй дээдийн номын өглөгөөр ээжийгээ орчлонгоос гэтэлгэж, нирвааны хутагт хүргэн ээжийнхээ ачийг хариулаад намрын адаг сарын 22-ны өдөр 33 тэнгэрийн орноос эргэж Замба тивд залран ирсэн түүхтэй.

Тэр цагаас хойш намрын адаг сарын 22-ны өдрийг "Эхийн ачийг хариулсан их дүйчин өдөр" хэмээн Бурханы шашинт орнууд өргөн дэлгэр тэмдэглэж, энэ өдөр эцэг, эхийн ачийг санаж, буян номд шамддаг уламжлал тогтжээ. Энэ хорвоод эцэг, эх шиг ачтан хаа байх. Ижий, аавынхаа ачийг хариулах хамгийн дээд арга бол ээж аавынхаа ачийг санаж, ариун буяныг үйлдэж, хилэнцэт нүглийг тэвчих ажээ.

Энэ өдөртэй холбогдуулан МБШТөв Гандантэгчэнлин хийдийн Гандан дуганд 11.00-16.00 цаг хүртэл "Бурхан багшийн чого" хурна. Мөн Цогчин дуган буюу Очирдарийн дуганд 11.00-17.00 цагийн хооронд "Дэмчиг"-ийн зан үйлийн дэлгэр хурлыг хурах аж. Дэмчиг нь нууц тарнийн ёсны 4 гол бурханы нэг бөгөөд эхийн дандарт хамаардаг байна. Тус хурлыг жилд ганц удаа хурдаг байна.

Эрхэм сүсэгтэн олон, номын садан та бүхэн энэхүү их дүйчин өдрөөр эцэг, эхийнхээ ачийг санан санан, ижий, аавыгаа Гандан хийдэд авчирч, ном буян хураалгаж. баярлуулж, баясгаж үйлдээрэй. Мөн өөрсдөө ижий, аавынхаа ачийг хариулахын тухайд хурал номд даган баясаж, эргэл мөргөл хийж, ээж аавдаа туслаж, бусдын тусыг бүтээж, буян номд хичээн шамдаарай хэмээн Жавзандамба Хутагт Төвөөс уриалж байна.

olloo.mn

Төстэй мэдээллүүд

Монголын төр Орос ах нарын ачийг мартжээ

2016/08/03, 08:26

Отгонтэнгэр хайрхныг тахих ёслол боллоо

2016/07/23, 13:30

Ногоон дарь эхийн тууж

2016/06/06, 16:10

Монголын бурхан шашинтны Содномжамцолин хийд

2015/08/28, 11:37

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.