 | |
| | |
Монгол Улсын Засгийн газрын тогтоол, Эрчим хүчний зохицуулах хорооны шийдвэрээр гэр хорооллын айл өрхийн цахилгааны шөнийн хэрэглээний тарифыг 2017 оны нэгдүгээр сарын 01-нээс эхлэн тэглэсэн. Нийслэлийн агаарын бохирдлыг бууруулах бодлогын хүрээнд хэрэгжиж буй энэ хөнгөлөлтөд гэр хорооллын 146 мянган хэрэглэгч хамрагдаж байна. Өчигдөр буюу нэгдүгээр сарын 01-02-нд шилжих шөнийн 21.00-06.00 цагийн байдлаар ачаалал хэвийн, хүндрэл гараагүйг салбарын шуурхай хуралдаанаар тайлагналаа. Цаашид айл өрхүүд галын аюулаас сэргийлж, цахилгаан хэрэглээний даацыг хэтрүүлэхгүй байх нь хамгийн чухал гэдгийг хуралдаанаар онцлов.
Монгол Улсын Засгийн газар, Эрчим хүчний яамнаас өвөлжилтийн бэлтгэл ажлын хүрээнд Багануур, Шивээ-Овоогийн уурхайд 20 тэрбум төгрөгийн төсвийн зээл олгосон. 2016 оны 10 сард олгосон уг зээлийг хугацаанд нь буюу 12 сарын 30-нд багтаан эргүүлэн төлжээ. Өнөөдрийн байдлаар станцуудын нүүрсний нөөц хэвийн байна.
Эрчим хүчний яамны Төрийн нарийн бичгийн дарга З.Мэндсайхан "Гэр хорооллын айл өрхийн цахилгааны шөнийн хэрэглээний үнийг тэглэсэнтэй холбоотойгоор гал түймрээс сэргийлэх мэргэжлийн зөвлөгөө мэдээллээр иргэдийг хангаж ажиллах хэрэгтэй. Мөн өвлийн ид ачааллыг тооцоолж, нүүрсний хангамжийг бууруулахгүй байх нь хамгийн чухал” гэдгийг шуурхай хуралдаанаар онцолж хөндлөө.
Засгийн газрын гишүүд дан дээлтэй байх нь зөв үү?
