Израилийн арми бэлтгэл хүчний дайчилгаа явуулж байна

Бичсэн:munkhbat
2018/05/09/, 17:17

Израилийн арми мягмар гарагаас эхлэн бэлтгэл цэргийн хүчний тусгай дайчилгааг явуулж эхэлжээ. Энэ нь АНУ-ын Ерөнхийлөгч Д.Трамп Ирантай байгуулсан цөмийн гэрээнээс гарах тухай зарлан мэдэгдсэний дараа үүссэн онцгой хэрэгцээ шаардлагаас үүдэлтэй аж. Энэ тухай Израилийн армийн хэвлэлийн алба мэдээлсэн байна.

Мягмар гарагт Израиль улс хойд хил дээрээ байгаа цэргийн хүчнээ байлдааны өндөржүүлсэн бэлэн байдалд оруулж, агаарын довтолгооноос хамгаалах системээ ажиллагаанд бэлэн болгож, хоргодох байруудыг нээжээ.

Армийн хэвлэлийн албаны мэдээлэлд дурдахдаа "Сири дэх Ираны цэргийн хүчин ердийн бус, тогтмол бус үйл ажиллагаа явуулж буй нь илэрсний дараа Голаны өндөрлөгт иргэний хамгаалалтын зааварчилгааг өөрчилж, хоргодох байруудыг нээж, ашиглахад бэлтгэхийг орон нутгийн эрх баригчдад даалгасан” гэжээ.

"Израилийн иргэд армиас өгсөн зааварчилгаанд анхааралтай хандах ёстой. Үйл явдал яаж ч өрнөсөн гэлээ Израилийн арми бэлэн байгаа бөгөөд Израиль улсын эсрэг чиглэсэн аливаа түрэмгийлэлд хатуу хариу цохилт өгөх болно” гэж мэдэгдэлд дурдсан байна.

Төстэй мэдээллүүд

СИРИЙН АГААРЫН ЦЭРГИЙН ХҮЧНИЙ БААЗ ПУУЖИНГИЙН ЦОХИЛТОД ӨРТЖЭЭ

2018/04/09, 15:28

БНСУ, АНУ-ын тэнгисийн арми үйл ажиллагааны хамтарсан төв байгуулжээ

2017/05/23, 09:52

АНУ "Хоёр улс" бодлогоосоо ухарч болзошгүй

2017/02/16, 13:23

ИЗРАИЛИЙН ЦАГДАА АВЛИГЫН ХЭРГЭЭР ЕРӨНХИЙ САЙД НЕТАНЬЯХУГ ХОЁР ДАХИА БАЙЦААВ

2017/01/07, 12:09

Сэтгэгдэл

АНХААРУУЛГА: Уншигчдын бичсэн сэтгэгдэлд www.CHUHAM.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.