Сири, Иракийн хойд этгээдийн нутгийг хяналтдаа авч, Халифын вант улс байгуулсан лалын хэт даврагч "Лалын улс” бүлэглэлийн дайчид террорист ажиллагаагаа гүйцэлдүүлэхийн тулд хүүхэлдэй дотор тэсрэх бөмбөг нуусан байсныг Иракийн цэргүүд илрүүлжээ.

Улмаар нийт 16 ширхэг бөмбөгийг илрүүлэн аюулгүй болгосон байна. "Лалын улс” бүлэглэл ирэх сард болох Шийтийн шашны мөргөлийн ёслолын үеэр олон хүний амийг бүрэлгэх зорилгоор хүүхэлдэйнд бөмбөг суурилуулсан байжээ. Ирэх сард Иракт шашны томоохон  Арбаин гэх ёслол болох бөгөөд мөргөлчид 40 хоногийн турш залбирал үйлдэх аж.

 Тиймээс  ирэх долоо хоногоос эхлэн дэлхийн өнцөг булан бүрээс шийтийн шашинтнууд Карбала хотыг зорих аж. Тэгвэл яг энэ замд нь хэт даврагчид хүүхэлдэй дотор тэсрэх бөмбөг нууж, тэдгээр тоглоомоо мөргөлчдийн явах зам дагуу байрлуулахаар төлөвлөсөн байсан гэнэ. Өнгөрсөн жил гэхэд 17.5 сая мөргөлч Карбала хотноо очсон байгаа юм.

Б.Даваа